نوض باارق
06-22-2010, 12:54 PM
ارحبــــوااا ,,,
القهوه ياولــد
ياهلا والله بكل من دخل هالصفحه ,,
الموضوع ومافيه اني قاعد افكر بموضوع جديد في قسمنا الشعري نثريه ويثرينا
ادور وابحث وافكر لقيت موضوع عجبني كثير في بعض المنتديااات وماشي بشكل رهيب
نقلته لكي تعم الفائده من خلاله علينا ,,,صلب الفكره ,,,
الا وهي اني اجمع بعض من قصص البدو وسوالفهم مع قصائدها ,,
لان مثل ماانتم عارفين ان البدو دايما مايتركون موقف او حادثه تمر الا ويعلقون عليه بقصيده تخلد هالموقف ,,,,
واللي عنده من هالسوالف يمتعنا ويشاركنا ,,,
ولكم حريه النسخ واللصق
ونبدا بهالقصه ,,
هذه قصيدة وسالفة والقصيدة تدور حول القهوة والدلال وهي للشاعر المعروف محمد بن عبد الله القاضي
من مواليد مدينة عنيزه ويرجح الرواة أن وفاته في عام 1284هـ , وهو شاعر بليغ ومعروف له شعر في الغزل والحكمه والوصف .
ومن خلالها ايقنت بأن النساء كيدهن عظييييييييييييييييييييم..
ومن كان له حيلةٌ فاليحتااال..
تقول القصه:
هذا الشاعر القاضي طول الله عماركم كان هو وجيرانه كل ليله القهوة عند فلان ,
المهم في يوم من الأيام وهم جالسين صار الرهن بينهم وبين القاضي على أنهم قالوا :
يا أبو عبد الله كل القصيد اللي نسمعه منك كل أكثره في الغزل هل أنت ما تقدر تجيب ؟
قال إلا أقدر أجيب ؟ لكن وشو من عليه حتى أني أجيب ؟
قالوا أبداَ ( يقول راعي البيت عشا الجماعة القابله علي )
أن جبت قصيدة مافيها طاري غزل لا تقل عن ثلاثين بيت وإلا يصير عشاهم عليك إذا تعرضت للغزل قال تم , مايخالف اتفقو على هالموضوع .
قعد القاضي معه السبحه يومي بها ويونون بينه وبين روحه يتكلم ويومي بالسبحه ويهوجس , عاد راعي البيت خاف أن القاضي ياكلهم في الرهن .
المهم أنه خذ هاك الغضاره (الطاسه ) خذها يبي يجيب فيها ماء من داخل يوم دخل وإلا البيت فيه الحريم الكبيرات
في السن دائماَ يصيرن في جهه منعزلين وفي جهه ثانيه البنات عاد تخبرون البنات لعوبات يدورن مكان يقعدن فيه يا أما
في راس الدرج وإلا في أسفل الدرج يجتمعن , الحاصل يوم دخل هو إلا تلاقيه واحده من هالحريم الكبار والأ والله
أن صوتهم طالع , قالت سليمان كن حسكم طالع شوي ..
قال : أيه والله عندنا القاضي وقاعدين نتجادل في كلام متراهنين حنا وياه أنه يجيب قصيدة ما يجيب فيها طاري غزل ..
وأن حنا خايفين يا أم عبد الله أنه ياكلنا في الرهن ..
قالت : لا ما ياكلكم ..
قال : وش لون ؟
قالت : نشوف له دبره خل الماء ويسهل الله ..
قال : زين و راح .
وتقوم واحده
من هالحريم ودور واحده من هالبنات دورت اجملهن وقالت تعالي يا فلانه راسك خليه جديلتين وهي تقوم فعلاَ
تعمل الجديلتين وتخليهن يتلامعن عاد الشعر اسود وزين ولبسوها هاك الثوب وقالو نبيك لامن القاضي بدأ في
القصيدة وجاء في نص القصيدة أدخلي , وعاد هي رافعة ثوبها ملبسينها حجول وشايله الغضاره في يدها وطبعاَ
متخيرين اجملهن الحمره والبياض يتهاوش فيها وعليها عيون وجهه وهم القصد من هذا أنهم يبون يخلون القاضي
( يطلع الرصيف ) ولا يستمر في قصيدته هذا قصدهم حتى أنه يخل بالرهن .
عاد هي ماسكه الغضاره وموقفه عند الباب والحريم جنبها واقفات بس يبي يدخلونها ويخلونها تحط الغضاره وتمشي..
جاء الرجال اللي هو راعي البيت وجلس وقعدو يسولفون والجماعة قاعدين يقدعون وهذولا هم حاضبين من عنده وهو
قاعد قال هاااه يا أبو عبد الله وش تقول في الرهن اللي بينا وبينك تبي تجيب قصيدة ما فيها طاري غزل..
قال إيه ابجيب في معاميلكم و دلالكم قالو توكل على الله ..
قال القاضي :
يامل قلب كـل مـا التـم الأشفـاق ــــــــــــــــــــــ من عام الأول به دواكيـك وخفـوق
يجاهد جنود في سواهيـج الأطـراق ـــــــــــــــــ ويكشف له أسرار كتمهـا بصنـدوق
إلا عن له تذكار الأحبـاب واشتـاق ـــــــــــــــــــــ باله وطاف بخاطره طـاري الشـوق
قربت له من صافي البـن مـا لاق ــــــــــــــــــــــ بالكف ناقيها من العـذف منسـوق
أحمس ثلاث يانديمـي علـى سـاق ـــــــــــــــــــ ريحه على جمر الغضا يفضح السوق
حـذراك والنيـه وبالـك والأحـراق ـــــــــــــــــــــــــ واصحا تصير بحمسة البن مطفـوق
لا أصفر لونه ثـم بشـت بالأعـراق ــــــــــــــــــــــ صفرا كما الياقوت يطرب له المـوق
وعطت بريـح فاخـر فاضـح فـاق ـــــــــــــــــــــــــ ريحه كما العنبر بالأنفاس منشـوق
دقه بنجـر يسمعـه كـل مشتـاق ــــــــــــــــــــــ راع الهوى يطـرب إلا دق بخفـوق
ولقـم بدلـة مولـع كنهـا سـاق ـــــــــــــــــــــــــ مصبوبـة مربوبـة تقـل غرنـوق
خله تفوح وراعـي الكيـف يشتـاق ــــــــــــــــــــ إلا طفح له جوهـر صـح لـه ذوق
أصغر قمـوره كالزمـرد بالأشعـاق ـــــــــــــــــــــ وكبار هالطافح كما صافـي المـوق
وزله على وضحا بها خمسة ارنـاق ــــــــــــــــــ هيل ومسمار بالأسبـاب مسحـوق
مع زعفران والشمطري إلا انسـاق ــــــــــــــــ والعنبر الغالي على الطاق مطبـوق
فـالا اجتمـع هـذا وهـذا بتيفـاق ـــــــــــــــــــــ صبه كفيت العوق عن كـل مخلـوق
بفنجال صين زاهـي عنـد الأرمـاق ــــــــــــــــــ يغضي بكر سيه كما إغضاي غرنوق
إلا انطلق من ثعبتـة تقـل شبـراق ـــــــــــــــ رنق تصور بالحمامه علـى الطـوق
شكل علـى الفنجـال لونـه إلا راق ــــــــــــــــ دم الغزال إلا انمـزع منـه معلـوق
ذوقـه إلا منـه تسلسـل بالأريـاق ــــــــــــــــــ عليه من ماء صافي الورد مذلـوق
راعيه كنـه شـارب ريـق ريـاق ــــــــــــــــــــــ كاس الطرب وسرور من ذاق له ذوق
وإلا يوم مرت البنت قال :
يحتاج من بيض العذرى إلا فاق ـــــــــــــــــ وهو يضاهي زاهي البدر بشعوق
في وجنتيه إلا غنج ضوح براق ــــــــــــــــ عجل رفيفه بالطها مزنه طبوق
سحر كتب من حبر عينيه بأوراق ـــــــــــــــــ خديه صادين ونونين من فوق
كن العرق بخدودها حص الأرناق ـــــــــــــــــ نثر على صفحات بلورة الشوق
إلا تبسم شع وإشراق بالآفاق ـــــــــــــــ نوره يفوق البدر سحر منطوق
بالعنق كن المسك والورس براق ـــــــــــــــ ما مشخص في صدري الشاخ مدفوق
أبو دليق كن باطرافه حلاق ـــــــــــــــــ حدر البريم وهافي الوسط مسروق
يمشي برفق خايف مدمج الساق ـــــــــــ ويفصم حجول ضامها الثقل من فوق
أظن لو يمشي شقاق بالاسواق ـــــــــــ من الملا مايمطخ الخمس مخلوق
إلا حصل لك ساعة وأنت مشتاق ـــــــــــ فاقطف زهر مالاق والعمر ملحوق
فايلا حضر ماقلت عندي فالارزاق ـــــــــــــ في يد كريم كافل كل مخلوق
هذا وصلوا عدد مانض براق ـــــــــــــــ على النبي الهاشمي خير مخلوق
وطبعاَ يوم انتهت القصيدة قالو عليك الرهن أنت اللي أخليت به عليك يا أبو عبد الله..
قال : لا , وش علي ؟ !
قالو :نعم .
قالو احلف ..
ما تحلف يقوله لراعي البيت..
قال لا أجل إلا صارت المسأله وعودت للحلف لا والله الحق علينا حنا , أنت تستاهل يا أبو عبد الله
ذبيحتين أول وحده عن هالقصيدة العصماء ثاني شي حنا اللي أخلينا بالرهن وسوينا الحركه هذي .
اتمنى تعجبكم القصه..
تحيـــ للجميع ــاتي
القهوه ياولــد
ياهلا والله بكل من دخل هالصفحه ,,
الموضوع ومافيه اني قاعد افكر بموضوع جديد في قسمنا الشعري نثريه ويثرينا
ادور وابحث وافكر لقيت موضوع عجبني كثير في بعض المنتديااات وماشي بشكل رهيب
نقلته لكي تعم الفائده من خلاله علينا ,,,صلب الفكره ,,,
الا وهي اني اجمع بعض من قصص البدو وسوالفهم مع قصائدها ,,
لان مثل ماانتم عارفين ان البدو دايما مايتركون موقف او حادثه تمر الا ويعلقون عليه بقصيده تخلد هالموقف ,,,,
واللي عنده من هالسوالف يمتعنا ويشاركنا ,,,
ولكم حريه النسخ واللصق
ونبدا بهالقصه ,,
هذه قصيدة وسالفة والقصيدة تدور حول القهوة والدلال وهي للشاعر المعروف محمد بن عبد الله القاضي
من مواليد مدينة عنيزه ويرجح الرواة أن وفاته في عام 1284هـ , وهو شاعر بليغ ومعروف له شعر في الغزل والحكمه والوصف .
ومن خلالها ايقنت بأن النساء كيدهن عظييييييييييييييييييييم..
ومن كان له حيلةٌ فاليحتااال..
تقول القصه:
هذا الشاعر القاضي طول الله عماركم كان هو وجيرانه كل ليله القهوة عند فلان ,
المهم في يوم من الأيام وهم جالسين صار الرهن بينهم وبين القاضي على أنهم قالوا :
يا أبو عبد الله كل القصيد اللي نسمعه منك كل أكثره في الغزل هل أنت ما تقدر تجيب ؟
قال إلا أقدر أجيب ؟ لكن وشو من عليه حتى أني أجيب ؟
قالوا أبداَ ( يقول راعي البيت عشا الجماعة القابله علي )
أن جبت قصيدة مافيها طاري غزل لا تقل عن ثلاثين بيت وإلا يصير عشاهم عليك إذا تعرضت للغزل قال تم , مايخالف اتفقو على هالموضوع .
قعد القاضي معه السبحه يومي بها ويونون بينه وبين روحه يتكلم ويومي بالسبحه ويهوجس , عاد راعي البيت خاف أن القاضي ياكلهم في الرهن .
المهم أنه خذ هاك الغضاره (الطاسه ) خذها يبي يجيب فيها ماء من داخل يوم دخل وإلا البيت فيه الحريم الكبيرات
في السن دائماَ يصيرن في جهه منعزلين وفي جهه ثانيه البنات عاد تخبرون البنات لعوبات يدورن مكان يقعدن فيه يا أما
في راس الدرج وإلا في أسفل الدرج يجتمعن , الحاصل يوم دخل هو إلا تلاقيه واحده من هالحريم الكبار والأ والله
أن صوتهم طالع , قالت سليمان كن حسكم طالع شوي ..
قال : أيه والله عندنا القاضي وقاعدين نتجادل في كلام متراهنين حنا وياه أنه يجيب قصيدة ما يجيب فيها طاري غزل ..
وأن حنا خايفين يا أم عبد الله أنه ياكلنا في الرهن ..
قالت : لا ما ياكلكم ..
قال : وش لون ؟
قالت : نشوف له دبره خل الماء ويسهل الله ..
قال : زين و راح .
وتقوم واحده
من هالحريم ودور واحده من هالبنات دورت اجملهن وقالت تعالي يا فلانه راسك خليه جديلتين وهي تقوم فعلاَ
تعمل الجديلتين وتخليهن يتلامعن عاد الشعر اسود وزين ولبسوها هاك الثوب وقالو نبيك لامن القاضي بدأ في
القصيدة وجاء في نص القصيدة أدخلي , وعاد هي رافعة ثوبها ملبسينها حجول وشايله الغضاره في يدها وطبعاَ
متخيرين اجملهن الحمره والبياض يتهاوش فيها وعليها عيون وجهه وهم القصد من هذا أنهم يبون يخلون القاضي
( يطلع الرصيف ) ولا يستمر في قصيدته هذا قصدهم حتى أنه يخل بالرهن .
عاد هي ماسكه الغضاره وموقفه عند الباب والحريم جنبها واقفات بس يبي يدخلونها ويخلونها تحط الغضاره وتمشي..
جاء الرجال اللي هو راعي البيت وجلس وقعدو يسولفون والجماعة قاعدين يقدعون وهذولا هم حاضبين من عنده وهو
قاعد قال هاااه يا أبو عبد الله وش تقول في الرهن اللي بينا وبينك تبي تجيب قصيدة ما فيها طاري غزل..
قال إيه ابجيب في معاميلكم و دلالكم قالو توكل على الله ..
قال القاضي :
يامل قلب كـل مـا التـم الأشفـاق ــــــــــــــــــــــ من عام الأول به دواكيـك وخفـوق
يجاهد جنود في سواهيـج الأطـراق ـــــــــــــــــ ويكشف له أسرار كتمهـا بصنـدوق
إلا عن له تذكار الأحبـاب واشتـاق ـــــــــــــــــــــ باله وطاف بخاطره طـاري الشـوق
قربت له من صافي البـن مـا لاق ــــــــــــــــــــــ بالكف ناقيها من العـذف منسـوق
أحمس ثلاث يانديمـي علـى سـاق ـــــــــــــــــــ ريحه على جمر الغضا يفضح السوق
حـذراك والنيـه وبالـك والأحـراق ـــــــــــــــــــــــــ واصحا تصير بحمسة البن مطفـوق
لا أصفر لونه ثـم بشـت بالأعـراق ــــــــــــــــــــــ صفرا كما الياقوت يطرب له المـوق
وعطت بريـح فاخـر فاضـح فـاق ـــــــــــــــــــــــــ ريحه كما العنبر بالأنفاس منشـوق
دقه بنجـر يسمعـه كـل مشتـاق ــــــــــــــــــــــ راع الهوى يطـرب إلا دق بخفـوق
ولقـم بدلـة مولـع كنهـا سـاق ـــــــــــــــــــــــــ مصبوبـة مربوبـة تقـل غرنـوق
خله تفوح وراعـي الكيـف يشتـاق ــــــــــــــــــــ إلا طفح له جوهـر صـح لـه ذوق
أصغر قمـوره كالزمـرد بالأشعـاق ـــــــــــــــــــــ وكبار هالطافح كما صافـي المـوق
وزله على وضحا بها خمسة ارنـاق ــــــــــــــــــ هيل ومسمار بالأسبـاب مسحـوق
مع زعفران والشمطري إلا انسـاق ــــــــــــــــ والعنبر الغالي على الطاق مطبـوق
فـالا اجتمـع هـذا وهـذا بتيفـاق ـــــــــــــــــــــ صبه كفيت العوق عن كـل مخلـوق
بفنجال صين زاهـي عنـد الأرمـاق ــــــــــــــــــ يغضي بكر سيه كما إغضاي غرنوق
إلا انطلق من ثعبتـة تقـل شبـراق ـــــــــــــــ رنق تصور بالحمامه علـى الطـوق
شكل علـى الفنجـال لونـه إلا راق ــــــــــــــــ دم الغزال إلا انمـزع منـه معلـوق
ذوقـه إلا منـه تسلسـل بالأريـاق ــــــــــــــــــ عليه من ماء صافي الورد مذلـوق
راعيه كنـه شـارب ريـق ريـاق ــــــــــــــــــــــ كاس الطرب وسرور من ذاق له ذوق
وإلا يوم مرت البنت قال :
يحتاج من بيض العذرى إلا فاق ـــــــــــــــــ وهو يضاهي زاهي البدر بشعوق
في وجنتيه إلا غنج ضوح براق ــــــــــــــــ عجل رفيفه بالطها مزنه طبوق
سحر كتب من حبر عينيه بأوراق ـــــــــــــــــ خديه صادين ونونين من فوق
كن العرق بخدودها حص الأرناق ـــــــــــــــــ نثر على صفحات بلورة الشوق
إلا تبسم شع وإشراق بالآفاق ـــــــــــــــ نوره يفوق البدر سحر منطوق
بالعنق كن المسك والورس براق ـــــــــــــــ ما مشخص في صدري الشاخ مدفوق
أبو دليق كن باطرافه حلاق ـــــــــــــــــ حدر البريم وهافي الوسط مسروق
يمشي برفق خايف مدمج الساق ـــــــــــ ويفصم حجول ضامها الثقل من فوق
أظن لو يمشي شقاق بالاسواق ـــــــــــ من الملا مايمطخ الخمس مخلوق
إلا حصل لك ساعة وأنت مشتاق ـــــــــــ فاقطف زهر مالاق والعمر ملحوق
فايلا حضر ماقلت عندي فالارزاق ـــــــــــــ في يد كريم كافل كل مخلوق
هذا وصلوا عدد مانض براق ـــــــــــــــ على النبي الهاشمي خير مخلوق
وطبعاَ يوم انتهت القصيدة قالو عليك الرهن أنت اللي أخليت به عليك يا أبو عبد الله..
قال : لا , وش علي ؟ !
قالو :نعم .
قالو احلف ..
ما تحلف يقوله لراعي البيت..
قال لا أجل إلا صارت المسأله وعودت للحلف لا والله الحق علينا حنا , أنت تستاهل يا أبو عبد الله
ذبيحتين أول وحده عن هالقصيدة العصماء ثاني شي حنا اللي أخلينا بالرهن وسوينا الحركه هذي .
اتمنى تعجبكم القصه..
تحيـــ للجميع ــاتي