ممدوح حباب
07-17-2010, 08:06 PM
صباح الخير يا احلا من بين مع الاشراق=بخدٍ لو تشوف الشمس نوره تحسده نوره
صباح الضحكه الخجلا بثغرك ياعذب الارياق=صباحي لك كثر مالك نخيت الشعر ببحوره
صباح الديم الي من غياب الشمس امس انساق=صباح الضاحيات بكل مدرج سيل واحجوره
صباح احلا من الي ينقش العصفور بالاعذاق=ولا احلا من نقش من تمرة العصفور بشعوره
صباح الخير ماهز النسيم الصبح غصن اوراق=صباحٍ فيه غرد لك مع العصفور عصفوره
امسجها عليك إبخير ولك فيني عضيم اشواق=ابيك ولامعاي الا القصايد فيك منثوره
انا شوقي على شوفك كما شوق السجين اعتاق=بعد ماهو فرض حكمه إلشوقه بالسجن سوره
افيض اشواق من ذاك النهار الي قفاه إفراق=ولا يشفي لهيب الشوق للغايب سوى احضوره
معي يزداد ود الي تعبت الهث ابيه اوعاق=ونفسٍ ماشقت بالشي يجي ويروح مسروره
وانا لامن رقيت العال اخايل لايح البراق=ما اهنى سوى حارث ثرى الي منه ممطوره
واذا ماستطعمت طعم الشهد بك ذايقة من ذاق=يذوقني العنب والتوت طيفك كل مازوره
يضيقني العقل من سكرته بالطيف لامن فاق=اصدقني اكذبني اسج الفكر وآآدوره
والاقيني على ذكرى ليالي ساق تهدن ساق=بذاك النايف الي به دفى تحناننا اصخوره
ولكني معي صدرٍ ولو ضاقت حشى ماضاق=مركدها على الي عالم الاسرار وجهوره
وعن لذة دفاة البرج احلا له دفاة ارواق=اذا ان الوفا فيه إلملاهيفه شعم نوره
ومهما القاف فضفض لك من وسط الصميم اعماق=فلا يقلقك فيني وانا جواك اسطوره
وانا بعد الولي لك وآق وانتي من بعده الواق=كذايمكن تبادلنا بعض صوره وبلوره
شعر ممدوح
صباح الضحكه الخجلا بثغرك ياعذب الارياق=صباحي لك كثر مالك نخيت الشعر ببحوره
صباح الديم الي من غياب الشمس امس انساق=صباح الضاحيات بكل مدرج سيل واحجوره
صباح احلا من الي ينقش العصفور بالاعذاق=ولا احلا من نقش من تمرة العصفور بشعوره
صباح الخير ماهز النسيم الصبح غصن اوراق=صباحٍ فيه غرد لك مع العصفور عصفوره
امسجها عليك إبخير ولك فيني عضيم اشواق=ابيك ولامعاي الا القصايد فيك منثوره
انا شوقي على شوفك كما شوق السجين اعتاق=بعد ماهو فرض حكمه إلشوقه بالسجن سوره
افيض اشواق من ذاك النهار الي قفاه إفراق=ولا يشفي لهيب الشوق للغايب سوى احضوره
معي يزداد ود الي تعبت الهث ابيه اوعاق=ونفسٍ ماشقت بالشي يجي ويروح مسروره
وانا لامن رقيت العال اخايل لايح البراق=ما اهنى سوى حارث ثرى الي منه ممطوره
واذا ماستطعمت طعم الشهد بك ذايقة من ذاق=يذوقني العنب والتوت طيفك كل مازوره
يضيقني العقل من سكرته بالطيف لامن فاق=اصدقني اكذبني اسج الفكر وآآدوره
والاقيني على ذكرى ليالي ساق تهدن ساق=بذاك النايف الي به دفى تحناننا اصخوره
ولكني معي صدرٍ ولو ضاقت حشى ماضاق=مركدها على الي عالم الاسرار وجهوره
وعن لذة دفاة البرج احلا له دفاة ارواق=اذا ان الوفا فيه إلملاهيفه شعم نوره
ومهما القاف فضفض لك من وسط الصميم اعماق=فلا يقلقك فيني وانا جواك اسطوره
وانا بعد الولي لك وآق وانتي من بعده الواق=كذايمكن تبادلنا بعض صوره وبلوره
شعر ممدوح