مثنى
07-25-2010, 04:09 AM
قصيدة الشاعر بدر بن عواد الحويفي بمناسبة الحفل الذي اقامة الشيخ / عبدالله بن ثواب الجليدي ...
يامرحبا ترحيبةٍ عاطفيه=تقدير من قلبي وعبّر لساني
اقولها باللهجة الابرحيه=قصيدتي كاتب عليها ضماني
ماخلي النقاد تنقد عليه=اما هرج بي غيب ولا شناني
يأهل الشهامة والشرف والحميه=ابا اتقدم واسمحوا لي ثواني
تعبير موجز يالنشامى هديه=يشرح من المعنى جزيل المعاني
قلته نيابه عن حميد السجيه=ابن ثواب الطيب المرحباني
طيبه وراثه من جدوده وصيه=اهل المكارم يوم عسر الزماني
علاقته مع كل طيّب قويه=دعى الحشام وللكرامه دعاني
دعى الشيوخ اهل الفعول النقيه=مقدم بني وايل طوال اليماني
من وقتنا الحاضر الى الجاهليه=قبيلة تاريخها مايهاني
والى اعتزوا بالعزوه الوايليه=ابطال ماساقوا للأجناب عاني
يوم القبايل بينهم عنصريه=على النضاء ومكاضمات العناني
يوم المعارك بين الاخصام حيه=والثار يوخذ بالقناء والسناني
ولا اقول بحقوق القبايل زريه=كلٍ على حقه ضلوعه متاني
كلٍ له امجاده وله معنويه=واللي يغط النور معناه داني
ذم القبايل يالنشامى خطيه=والظلم يدمر عامرات المباني
مواقف الشجعان ماهي خفيه=تاريخ شجعان العرب ماخفاني
والناس كلٍ فيه حسنه وسيه=من يوم ربي كون المودماني
ولافيه نفس من الخطايا بريه=والله علم بالمختفي والبياني
والمفلح اللي مهتدي في نبيه=والدايم المعبود والخلق فاني
هذا الجواب ومنتهاه التحيه=الله يحييكم وانا انهيت شاني
وصلوا على المختار سيد البريه=افضل بشر صلى وصام رمضاني
يامرحبا ترحيبةٍ عاطفيه=تقدير من قلبي وعبّر لساني
اقولها باللهجة الابرحيه=قصيدتي كاتب عليها ضماني
ماخلي النقاد تنقد عليه=اما هرج بي غيب ولا شناني
يأهل الشهامة والشرف والحميه=ابا اتقدم واسمحوا لي ثواني
تعبير موجز يالنشامى هديه=يشرح من المعنى جزيل المعاني
قلته نيابه عن حميد السجيه=ابن ثواب الطيب المرحباني
طيبه وراثه من جدوده وصيه=اهل المكارم يوم عسر الزماني
علاقته مع كل طيّب قويه=دعى الحشام وللكرامه دعاني
دعى الشيوخ اهل الفعول النقيه=مقدم بني وايل طوال اليماني
من وقتنا الحاضر الى الجاهليه=قبيلة تاريخها مايهاني
والى اعتزوا بالعزوه الوايليه=ابطال ماساقوا للأجناب عاني
يوم القبايل بينهم عنصريه=على النضاء ومكاضمات العناني
يوم المعارك بين الاخصام حيه=والثار يوخذ بالقناء والسناني
ولا اقول بحقوق القبايل زريه=كلٍ على حقه ضلوعه متاني
كلٍ له امجاده وله معنويه=واللي يغط النور معناه داني
ذم القبايل يالنشامى خطيه=والظلم يدمر عامرات المباني
مواقف الشجعان ماهي خفيه=تاريخ شجعان العرب ماخفاني
والناس كلٍ فيه حسنه وسيه=من يوم ربي كون المودماني
ولافيه نفس من الخطايا بريه=والله علم بالمختفي والبياني
والمفلح اللي مهتدي في نبيه=والدايم المعبود والخلق فاني
هذا الجواب ومنتهاه التحيه=الله يحييكم وانا انهيت شاني
وصلوا على المختار سيد البريه=افضل بشر صلى وصام رمضاني