قصيده بمنتدى الجلاديه

[ابو بلال الجليدي]

بسم الله الرحمن الرحيم
السلام عليكم ورحمة الله وبركاته
هذه الأبيات قلتها عندما علمت بأن هناك منتدى لقبيلة الجلاديه فأردت أن أشارك في هذا المنتدى الذي نشكر من قام بإنشائه فأردت أن أشارككم بهذه الأبيات والتي أقول فيها :



قـــالـــو ترى الربع لــهم منتــدى زيــــن = نــرسلّك الــرابط تــــشارك معانــا

قلت ابشر نشارك على الراس والعين = وشلون مــــا نشارك وهو منتدانا

وشــلون مـــانشارك لـــربعن عـــــزيزين = ربعن لـهم قـــــدرن و واجب علانــا

نبــــي نـــشارك بــــــاالقصايد ميـــــامين = نِسمع ونَسمع ما تقول اشعرانا

الشـــــعـــــــر لــه ذوقن وأداب ومــــوازيـــــن = وإلـــيا اختل وزنه ماتفيد المعانا

وبلّـــغ تحياتي هــل المنتـــــدى الـــزين = أعضاه والمشرف على منتدانــا
شعر حمود بن سعد الجليدي

[هادي بن عامر]

المنتدى مايزين الا بالعزيزين=للرجال الي لهم موقف معانا
يامرحبا ترحيبة مكرره ثنتين=من ابن عامر لوافي الكلاما
مشاركتك على الراس والعين =ومحفوظة في وسط منتدانا

ومشكور يابو بلال على نقل قصيدة والداك حفظه لله

وتقبل مشاركتي المتواضعه

[سالم الجليدي]

صــــــح لــسـآنك .. ض8
وكسبنآ عضؤ شــآعر في المنتدى ض8
مـــنؤر يــآبؤ بــلال ض8
يآمرحبآ والله فيك ض8
،
دؤؤؤك :(125):

[نواف الحربي]

سلمت يمناك [ آبو بلال الجــــــــليدي ]
على نقل هــذه الآبيآآآآت
ولآهنت

وصح لسان قآآآيلها .



http://almarawen.com/vb/image.php?u=320&type=sigpic&dateline=1257867029

[صالح 999]

صح لسااااااانك ياابورباح على هذه الابيات وشكرا ابوبلال على هذا النقل تقبببببببببببببل مروري

[عبدالاله حباب]

قالو ترى الربع لهـم منتـدى زيـن=نرسلّـك الرابـط تشـارك معانـا
قلت ابشر نشارك على الراس والعين=وشلون ما نشـارك وهـو منتدانـا
وشلون مانشارك لربعـن عزيزيـن=ربعن لهم قـدر و واجـب علانـا
نبـي نشـارك بالقصايـد مياميـن=نِسمع ونَسمع مـا تقـول اشعرانـا
الشـعـر ذوق وأدب ومـوازيـن=وإليا اختل وزنـه ماتفيـد المعانـا
وبلّغ تحياتي هـل المنتـدى الزيـن=أعضاه والمشـرف علـى منتدانـا



صح لسان الشاعر / حمود سعد الجليدي
ومشكور ابو بلال على النقل

[جهز بن عامر]

يا مرحبا واهلين ضيفً وزوااار = يا مرحبا عد النجوم الجميله


من زارنا يلقى حشيمه و مقدار = في منتدىٍ نادر ماتحصّل مثيله


والناس فيما تعشقه دايم احرار = وكلاٍ على ما قيل فكره دليله


بقدومكم تزهر نواوير الازهار = ويخضر مع الازهار غصن يشيله


يحلا بها نور القمر فوق سمار = وتضحك له نجوم الثريا تخيله

اخترت لك هذه الابيات وللامانه منقوله ...

صح لسان الشاعر ابو رباح مشكور ابو بلال على نقل هذه القصيده التي تشجع اهل المنتدىجميعا

[ابو بلال الجليدي]

أولا :نشكركم جميعا على المرور الجميل
ثانيا : اعتذر للجميع لأنه حصل بعض الأخطاء الإملائيه في بعض أبيات القصيده وتم تعديلها

[ابو طالع]

بسم الله الرحمن الرحيم


نشكرك يالغالي ومن ناس وافيــين = مادام مؤيد نا فـهـــاذا من غــلانا

الطيب طبعك من اول وهالحــــــين = لنا الشرف بوجودك معــــــــــــــــانا

المنتدى جمع جماعتنا العزيـــــــزين =نعتبره ياحمــود هو مـلتــــــــــــــقانا

ندري عن المعرس ونهني المرقـــين = عــبره عرفنا اخبار كل اصـــــدقانا

والمعذره من نقص القافيه والموازين = بالشعرعليمي ولاهوعلى مستوانا

وصلات ربي على خير المرسلـــــــين = الي على الطريق الصحيح يهـــدانا




صح لسان الشاعر ابو رباح على هذه الابيات الجميله

ولاهنت اخوي ابو بلال على اثراء المنتداى بقصايد ابو رباح

المعذره لاني ماني شاعر بس حبيت اقول هذا الكلام سجع مقفى

وكلام نثري غير موزون وعساني فيمابعد اتعلم الشعر.


وتقبل تحياتي

[مثنى]

ابو بلال بيض الله وجهك

وجود قصائد الوالد بالمنتدى يضفي عليه الشي الكثير

كفيت ووفيت

[ناحي الجليدي]

بسم الله الرحمن الرحيم
السلام عليكم ورحمة الله وبركاته
مشكور أخي أبو بلال على هذا النقل ألثمين والشكر موصول الى شاعرنا ابو رباح وأقوله
صح السانك على هذه الأبيات الثمينه

يامرحبـا نـيـابـة عن كل الحاضريـن = تـرحـيـبـة بـالـود الـمـنـهـوا لـفـانـا
يامرحبـا اقـولـهـا واعـيـد مـلايـيــن = بـالـربــع والـزوار وكــل اصــدقـانـا
ابو رباح غالي ومـن ناس غالـيــن = مـثـله امـحسوب وله قدرومـكـانـا
شـاعـر وفـاهــم بـالدنـيـا والـديــن=والله شهيد على نـطـق الـسـانـا
جعل عمره يطول اسنين واسنين= يـالـلـه يـالـمـعـبـود يــامـلـتـجــانـا
وختامها الـمعذره كـان امقـصريـن = مالي بالشعر لاكن الطيب حدانا

[ممدوح حباب]

هلا يامرحبا الفين والعاشر بعام الفين=تجمعنا هنا واحفادنا بكره بتلقانا

هنا نزرع هنا نجني بالحاضر لنا بعدين=هنا ناموسنا بالروس والعزوه ببلهانا

هنا نثبت ولانا لسمنا والارض بعد الدين=هنا من لايشرفنا يشارك ضدنا اعدانا

هنا من لاعتبر غزوة احد ابتبتدي هالحين=ترى كنا غزينا له وهو بالدار يتنانا

ونفسٍ ماتحاسب ذاتها في ذاتها قطعين=ترى هامته ماتسوى خطا تشجيع من يانا

قسيت ادري ولكن لامتى وإحنا تقل راضين=اذا منعزل الجرباء تراها إتزود جربانا

الا ياليت مثل حمودنا نصنا وثلثين=كبير بسنه ومعنا هو الدافع إلعليانا

[البحر الغربـي]

يعطيك العافيه ابو بلال


وصح لسان الوالد

[البحر الغربـي]

يعطيك العافيه ابو بلال


وصح لسان الوالد

[عبدالإلة الجليدي]

السلام عليكم ورحمة الله وبركاته
مرحبآ بك أبو بلال في ضفاف هذا المنتدى المتميز بعناصرة ومشتركية والمنظمين إليه
لن تندم فعلى صفحات هذا المنتدى ستجد كل ماتصبو إليه من
ثقافة,,أدب ,,ترفيه ,, كل مايتمناه المرء
بإختصار أنه منتدى شامل وكامل مع أن الكمال لله سبحانه

رفقه ممتعه وعطاء وافر بإذن الله


مع كامل إحترامي وتقديري,,,

[احمد الجليدي]

تمت اضافه لشطر الأول من البيت الخامس وذلك خطأ من ناقل القصيده وليس من الشاعر.
حيث يقول الشاعر في نفس البيت :

الشـــــعـــــــر لــه ذوقن وأداب ومــــوازيـــــن = وإلـــيا اختل وزنه ماتفيد المعانا

[المحترم]

يعطيك العافيه ابو بلال


وصح لسان ابو رباح وهذا مما يشجع...