المساعد الشخصي الرقمي

مشاهدة النسخة كاملة : قصيدة مهداه للشاعر عمر الجليدي !!!

ابو شادن
05-31-2010, 12:23 AM
السلام عليكم ورحمة الله وبركاته
يسعد جميع أوقاتكم
تحيه طيبه للجميع
قصيدهـ للشاعر الكبير سعد ابن فضيل السليمي الحربي مهداهـ
للرجل الشهم رجل المواقف والحميه الشاعر عمر بن عقيل
الجليدي الحربي وأبو فيصل يستحق الاشاده ويزهاهـ المدح
شهادة حق اقولها من باب الوفا لمن يستحق الوفا ...

[center]
يافهد خط ابـوك ملـزوم تقـراه

وليا قريتـه ترسلـه بالبريـدي

أبيات مني لأبوفيصــل معنـاه

بنات فكري من نـوادر قصيـدي

نقوة جواهر من جواهر مصفـاه

أخر طراز مسجله مـن جديـدي

نظمتهـا مـن مخـزنٍ ماقفلنـاه

وصرفت عمله سوقها من رصيدي

عداد مارش المطر وانتثـر مـاه

وماهزت الارياح خضر الجريـدي

سلام للي تفعـل الطيـب يمنـاه

طيب وطيبه كل ساعـه يزيـدي

حراً قطامي راس عيطـا تعـلاه

وأن هده الصقار كفـه يصيـدي

أبن الرجال اللي حميـده مزايـاه

أشيد به والناس مثلـي تشيـدي

أن قيل منهو قلت نعمن بطريـاه

عمر عسى عمره طويل ومديـدي

من روس قومن بالمكارم مسمـاه

قبيلة من حرب وأصلـه جليـدي

يعيش راس اللي على الطيب رباه

عقيل طيبه من جـدود الحفيـدي

أسمه على القرطاس كامل كتبناه

ولي الشرف يوم اكتبه في نشيدي

ربعه هل البلها هل العز والجـاه

قولن عليه شهود والله شهيـدي

جلاديـه يـوم النقـا والمثـاراه

عون الضعيف وكيد راس العنيدي

بالمعركه كم الحقوا مـن مخـلاه

وكم نزلوا من سرج شقرا عقيدي

على الشجاعه بالحرايب مضـراه

سباع نجد قلوبها مـن حديـدي

كلن يخضب باحمر الـدم شلفـاه

لياضرب تيـار حبـل الوريـدي

كلن على سلم العرب قـام مبنـاه

مشيدن بيته تقـل جـال حيـدي

الهيل والبـن اليمانـي تقهـواه

بدلال مجذيـات جنـب الوقيـدي

للضيف تذبح طيب الحشو والشاه

محافلـن تقـول بيـام عـيـدي

وخويهم والجـار يكـرُم ملحـاه

من بينهم مرتاح بالـه سعيـدي

وباق القبايل طيبهـم ماتخطـاه

ولاقول بحقوق القبايـل جحيـدي

والله ينصر من شمل دارنا حمـاه

اللي لحكمه كل طاغـي يهيـدي

مليكنا صقـر العـرب لاعدمنـاه

عند الدول رايه حكيـم وسديـدي

وارجع على موضوع خطن بعثناه

عن طير شلوى خاطري مايحيدي

يوم أمدحه ماقصدي المال والجاه

العز مالـي والقناعـه رصيـدي
ابو تركي
05-31-2010, 01:49 AM
يستاهل المدح ابو فيصل كفو والله بيضت الوجه
فيصل عمر العقيل
05-31-2010, 02:07 AM
الأخ رباح بن فريح أشكرك على نقل القصيده المهداه لوالدي ولقبيلة الجلاديه كما أشكر الشاعر سعد السليمي على الوفاء وصح لسان قايله وناقلها كما اتمنى من ادارة الموقع تنسيق القصيده جيدا

وتقبلوا تحياتي وفائق أحترامي

اخوكم فيصل عمر الجليدي
محمد ضحوي
05-31-2010, 03:07 AM
صح السانك والسان قائل القصيده
ويستاهل ابو فيصل
هادي بن عامر
05-31-2010, 10:34 AM
يستهال ابو فيصل وصح لسان الشاعر واجتهاد الناقل
احمد الجليدي
05-31-2010, 05:35 PM
صح لسان الشاعر ويستأهل أبوفيصل ويعطيك العافيه على النقل...
ابو طالع
05-31-2010, 07:30 PM
صح لسان الشاعر ويستأهل أبوفيصل ويعطيك العافيه يا ابن دويرج على النقل وتفبل تحيا تي
♥Sweet♥Heart♥
05-31-2010, 11:50 PM
الف شكر يالغالي على النقل و الشكر موصول للشاعر على هذه الابيات

يستاهل المدح ابو فيصل ،،
غازي الغازي
06-01-2010, 01:08 AM
صح لسان سعد السليمي
وابوفيصل علمه طيب وهو يستاهل
والشكر للذي نقل الموضوع وعطر منتدانا بمثل هذه الأبيات الجميله
وله مني كل الشكر
ولا يحرمنا من جديده
نواف الحربي
06-01-2010, 05:25 PM
عقيل طيبه من جـدود الحفيـدي

أسمه على القرطاس كامل كتبناه

ولي الشرف يوم اكتبه في نشيدي

ربعه هل البلها هل العز والجـاه

قولن عليه شهود والله شهيـدي

جلاديـه يـوم النقـا والمثـاراه

عون الضعيف وكيد راس العنيدي

بالمعركه كم الحقوا مـن مخـلاه

وكم نزلوا من سرج شقرا عقيدي

على الشجاعه بالحرايب مضـراه

سباع نجد قلوبها مـن حديـدي

كلن يخضب باحمر الـدم شلفـاه

لياضرب تيـار حبـل الوريـدي

كلن على سلم العرب قـام مبنـاه

مشيدن بيته تقـل جـال حيـدي

الهيل والبـن اليمانـي تقهـواه

بدلال مجذيـات جنـب الوقيـدي

للضيف تذبح طيب الحشو والشاه

محافلـن تقـول بيـام عـيـدي

وخويهم والجـار يكـرُم ملحـاه

من بينهم مرتاح بالـه سعيـدي


أبـــــــيات جــــــزله . . . مـــن شــــــاعر جـــــزل . . . ومـــشـــــكور
يا ربــــــــــــاح على النقــــــــــل . . . و تستاهـــــــل المـــــــــــــــــــدح
يابو % ... فيصـــــــــــــــــــــــــــــل . . .%.
عمرالجليدي
06-02-2010, 02:54 AM
أشكر الجميع على المرور العطر كما اشكر الاخ رباح بن فريح على نقل القصيده وأتمني أن اكون دائما عند حسن ظن الجميع والله يجملنا مع ربعنا وجماعة ومع جميع من عرفا .


والله يوفق الجميع
خالد الجليدي
06-03-2010, 12:05 AM
يعطيك العافيه على هذا النقل المميز يابو شادن