مع السلامه

[نديم الجود]

السلام عليكم ورحمة الله وبركاته
قصيده مؤثره كتبها الشاعر مساعد الجليدي عند رحيله من النمريه


مــع السلامه يالجـبال الشواهـــيق=ودعــتـكن والقــلب ماهـوب سـالي


ابدي بكن لحـل في حـالي الضـيـق=وبــدع مـن القيــفــان يرتـاح بـالي



واسج بفجوج السعـه والطــواريـق=واروح ورجع من جنوب وشمالي


وامسي بليـلي بـين دلــّه وتعــلـيـق=عــمــار يـادار الجــماعه وخــالي


ومّ(ن) بركعات السحــر والتشاريق=تـرفـع يــديــها ياعــزيز الجـلالي


تفتح دريشـة بـيتـها اشوي وتوــيق=وتــقــول يــافــهّــود يــاهـــمـــلالي


راحــو وخــلّونا قـبـل فــكّــة الريــق=واصـبحت افـكّرواصـبح البيت خالي


الله يســهّــل دربـهـم بـالـتـوافيــق=يــارب يالمعبـــود تــقبــل ســــوْالي


واقفيت عنها شايلً فوق ماطـــيق=ودموع عـــينـي مثــل وبـل الخيالي


هاذي ضروف الوقت فيها تفاريق=والولف يثــّـــر في قلــوب الرجال


وحب الاماكن بالحشا والمـعالـيق=يبـقى عـلى طــول الدهــر واليـــالي


امر(ن)من الله وال كــل المخاليــق=سبــحـانه الــوالي عـلى كــل والــي


الشاعر مساعد الجليدي

[مثنى]

ومّ(ن) بركعات السحر والتشاريق=ترفع يديهـا ياعزيـز الجلالـي
تفتح دريشة بيتها اشوي وتويق=وتقـول يافـهّـود ياهمـلالـي
راحو وخلّونا قبل فكّـة الريـق=واصبحت افكّرواصبح البيت خالي
الله يسهّـل دربهـم بالتوافيـق=يارب يالمعبـود تقبـل سوْالـي
صح لسان ابو ماجد

وألف مليون شكر ياشرقاوي على نقل قصائد ابو ماجد

احترامي ..

[ابن سعود]

هاذي ضروف الوقت فيها تفاريق=والولف يثــّـــر في قلــوب الرجال


وحب الاماكن بالحشا والمـعالـيق=يبـقى عـلى طــول الدهــر واليـــالي






الشاعر مساعد الجليدي



صح ألسان أبوماجد

وتسلم أخوي الشرقاوي

ونطلب منك أكثر وأعذرنا..

[نديم الجود]

السلام عليكم ورحمة الله وبركاته
الأخ مثنى و ابن سعود اشكر لكم تعطيركم الموضوع بمروركم الجميل

[هادي بن عامر]

اصعب الفراق فراق ديار الجماعه

مشكور ياشرقاوي على نقل قصائد ابو ماجد المميزه

وصح لسان الشاعر مساعد

[ابو طالع]

بسم الله الرحمن الرحيم

عمار يـادار الجماعـه وخالـي =ومّ(ن) بركعات السحر والتشاريق
ترفع يديهـا ياعزيـز الجلالـي =تفتح دريشة بيتها اشوي وتويق
وتقـول يافـهّـود ياهمـلالـي = راحو وخلّونا قبل فكّـة الريـق

مالومك يابو ماجد على حب الديره والجماعه والله يجزى والدينا
الجنه كم يتأ ثرون عند ما نقادرهم الى جهتةً ما الله المستعان.


وحب الاماكن بالحشا والمعاليق= يبقى على طول الدهـر واليالـي
امر(ن)من الله وال كل المخاليـق= سبحانه الوالي على كـل والـي

صح لسان الشاعر مساعد وشكرا شرقاوي على نقل القصيده هنا
والحمدالله على وجود المواصلات والاتصالات الحديثه الذي جعلت الواحد
كانه مع ذويه في كل لحظه حتى لو كان بينهم مسفات بعيده ونحمد الله
على ذلك.. تحياتي...