لغز الليله

[نمراوي]

السلام عليكم ورحمة الله وبركاته

في محاولة لإنعاش هذا القسم

الذي مر بغيبوبة طويلة

اطرح لكم هذا اللغز

وهو للشاعر فهد النصافي


أنشدك عن رجل تولّى مهمّه ** ومهمتـه ناس علـى الشـر حدوه
حـدّوه الّـي مبـتليـنه بـدمّــــه ** لو ماقتل من نسل خاله ولا أبوه
يوم الخطر شافه بعينه وشمّه ** أبـصـر وعـرف إن المقاريـد ضـروه

[الليث الابيض]

الــــــــــــــــسلام عليكم ورحمة الله وبركاته

نمراوي خذ هذه الرمعه ( يوسف عليه السلام)

[نمراوي]

مالك لوا ياليثنا

حاول مرة أخرى

[هادي بن عامر]

نشكرك على انعاش هذا القسم

وخذ الرمعه

وش رايك بالسيف

[نمراوي]

العفو ياهادي

والرمعه مالك لوا

[نمراوي]

وين الرمعات ماهي عادتكم

تخلونه طليق

وين اهل التحدي

لغزنا صعب وانتم له

[ابو نبيل]

نمراوي ماهو الطعم اللي يحطه الصياد بالشبكة سواء جربوع أو غيرة لصيد الطيور

[ابو طالع]

بسم الله الرحمن الرحيم
نمراوي عوده حميده لهذا القسم الذي عطل مع
عطلة الموظفين والمدارس لاكن المهتم والمختص سهيل ليماني وينه
واضن ابو نبيل اذا ماصاده هو قترب من الحل تحياتي

[نمراوي]

ابو نبيل مالك لوا

ولن تحرق اللغز بعد اليوم

ابوطالع شكرا لتعقيبك

وصدقني ابونبيل ماهو حوله

[عبدالإلة الجليدي]

نمراوي ماهو جرس الأنذار

[نمراوي]

ابدا" ياعبدالاله

حاول مرة أخرى

[عبدالإلة الجليدي]

طيب نمراوي وش رايك هل هو أحد هذه الرمعتين ( الفخ + أو اللغام )

[نمراوي]

مالك لوا

واسمح لي اقووول

رميك سماااااااااااااوووووي

احدر ياعبدالاله اظنك تصيب

[ابو نبيل]

نمراوي ماهو سراقة بن مالك يوم كلفوه باللحاق بالرسول صلى الله عليه وسلم وصاحبه ابوبكر الصديق رضي الله عنه وخفست أقدام فرسه

[الليث الابيض]

يانمراوي خذ هاذه الرمعه

ماهو نويشي يوم جاه الدخيل وذبح الدخيل عنده وذبح الي ذبحه

[نمراوي]

ابو نبيل

صح لسانك ومافيك حيلة
وننتظر اللغز من عندك


الليث الأبيض

شكرا للمشاركة ورمعاتك كلها طيبه

[ابو نبيل]

صح بدنك يانمراوي
وبما إنه ليس لدي لغز جاهز هالليومين فأنا مهدي اللغز عليك لتقوم به بدلا مني
ولك تحيتي