لشعراء المنتدى

[الغايب الحاضر]

كنوع من التجديد في المنتدى وابراز لبعض المواهب

سوف ابداء بهذه الخاطره واتمنى من الشعار الرد

او المجاراه كنوع من المحاوره


وين الّذي في نظم الأبيات خصيص=وإليا نـظـم مافـيه مثلـه ونـوعــه

نبغـى البيوت الوافيـه دون تلخيـص=ويبقـى على ماقيل مبدع وروعه

القـاف بحـــره مايبـي غيــر غويـص=واللي يغوص بحور يفتح سموعه

الشعـر له دربا" مثل سكـة خريـص=فيـه العليـمـي تاه مـخرج طلوعه


ارجو التفاعل

مع تمنياتي للجميع بالتوفيق

[ممدوح حباب]

السلام عليكم ورحمة الله وبركاته




صح إلسانك


اشكرك على هالفكره الرائعه

حلاوتها بالمشادات

لذلك اشارك معك بهالابيات المتواضعه




الشعر قافه لاحصل فيه تغفيص=يشذ عن منهم معه من ربوعه
والذيب مايحتاج لارسلت تحريص=والفكر للمعنى دليلة قطوعه
من لا فتل للقاف حشوه وترصيص=ماجاب قافه كود لازم شروعه
قل للذي وجه مسيرته للعيص=يبي يلاقي قلبك الي يروعه

[♥Sweet♥Heart♥]

صح لســانكـ و لا هنـت عـلـى الفـكـرة الـرائعــة

و صح لســانكـ يــا ابـو جـود عـلى المشـاركـة الجميلـة..



وين الّذي في نظم الأبيات خصيص=وإليا نـظـم مافـيه مثلـه ونـوعــه

نبغـى البيوت الوافيـه دون تلخيـص=ويبقـى على ماقيل مبدع وروعه

القـاف بحـــره مايبـي غيــر غويـص=واللي يغوص بحور يفتح سموعه

الشعـر له دربا" مثل سكـة خريـص=فيـه العليـمـي تاه مـخرج طلوعه


و أحب أشــاركـ معـك بهـذه الخـاطرة ،،،








الشعر لبعض الناس صعب عويص = كـأنـه فارس متحصن بـدروعه
جلي قافه و لكن يبي له تمحيص = و اليا اشتهر رديـه عسير رجوعه
مـا تدرك طـروقـه بعـلامـة تنصيص= و لا تفل الخـواطر عـزة جمـوعـه
لـلشـعـر فـن و ذوق و احساس حريص = تعبير عن الفكر بحرفـة و لـوعـه

[الغايب الحاضر]

ممدوح الحباب

صح لسانك والى الامام

وشكراً على التفاعل

والوعد قدام ههههههه


عصي الدمع


صح لسانك

اشكرك على المشاركه والتفاعل الطيب

واتمنى ان تضبط الوزن

وهناك طريقة للوزن بالتلحين

لكي تضبط معك

بالتوفيق

[هادي بن عامر]

صح لسانك وشكرا على الفكره الجميله


ابدى سلامي للرجال دون تخصيص =والغايب الحاضر فكرته مدروسه
والشعر بوقتنا اليوم يحتاج تشخيص=يبي مداوي يعتني بجروحه
سلم على الي قص الوزن تقصيص =واختار من بيوت الشعر جزوله
واركب مع الي وجٌه وجهته للعيص =تلقا معه اسرار الشعر وفنونه

[الغايب الحاضر]

صح لسانك وشكرا على الفكره الجميله


ابدى سلامي للرجال دون تخصيص =والغايب الحاضر فكرته مدروسه
والشعر بوقتنا اليوم يحتاج تشخيص=يبي مداوي يعتني بجروحه
سلم على الي قص الوزن تقصيص =واختار من بيوت الشعر جزوله
واركب مع الي وجٌه وجهته للعيص =تلقا معه اسرار الشعر وفنونه



يامداوي المجروح هل تعرف غليص= ياللعجب ياصاحبي في طبوعه

[مثنى]

يامداوي المجروح هل تعرف غليص= ياللعجب ياصاحبي في طبوعه


الغايب الحاضر ..

أولا أشكر لك تواجدك وحضورك فأنا اجزم انك ستثري المنتدى بكل ماهو قيم وجميل ..

وأرجو ان نشاهد لك قصائد في المنتدى

ثانيا كنت اريد التحدث عن الموضوع وعن ردك لكن استخرت ..

و اللبيب بالاشارة يفهم ..

احترامي لك وننتظر جديدك ..

[هادي بن عامر]

ياصاحبي صاحبك ابن رماًح غليص
معروف عند العرب وقصته مشهوره
لقيط والنسب معروف دون تحويص
وفراق الحـوار بفــعلته مشهــوده