ياالله يالمعبود ياخير واهب

[نديم الجود]

السلام عليكم ورحمة الله وبركاته


اهدي لكم هذه الابيات عسى ان تنال اعجابكم



يالله يا مـــنجي مــن النـــــاس راهــــب=من ظـــــلم عاهر والـبلى فـــــيـه حـلّـي



يا الوحـــــــد المعــبود يا خيـــر واهـــب=تامـر سحـــاب الغيـــث وبــــلـه يــهـلّـي


هــتّاف وكاف(ن) عــلى القـــاع ساهب=غـــثوه عــــلى روس الشـــجر يستقلّـي


عـــــقب الجـــدب والعـــج والحر لاهـب=الأرض تخـــــضر والفيـــافـي تــســلّـي


تلـــقى الزبــيدي مـع مسير المساهـب=من ســج رجــــله بالفــــضا مـا يملّـي


وإنْ حـــرّك الفــــكسار للـــبيـد ناهـب=يطـــوي بــعيد الدار طـــي الــــسجلّـي


شـكله يشابه ليــــث سـود الـــغياهــب=وإلاّ إقـــطامي (ن) على راس تــــلّـي


واثنين والــثالث وسيـع الـــــمذاهـب=والكـل مــنهـم مـــذهـــبـه جـــايزلّـي


ما حسّــــبوا لهروج غـافل وغاهـب=الـلـي ورا لـــذّات وقـــتـه مـــــولّـي


والمال لو يـــكثر مع الناس ذاهـب=لابــــد مــن رِجـلٍ قــدمهـا يــــزلّـي


مـتعة زمان وفــارغـات المزاهـب=والرزق عـــند الله وغــيـره مقِلّـي


قبـل الصلاه الفـجر فـنجال زاهــب=يَجلىَ عماس الراس لين اسفِهلّـي


هذا هواي وجبت نـظـم المواهـب=يا مـــن نـقـدها لـو تكرمـت قـلّـي
التوقيع مساعد الجليدي

[ابو طالع]

بسم الله الرحمن الرحيم
عقب الجدب والعج والحر لاهب ** الأرض تخضر والفيافـي تسلّـي
تلقى الزبيدي مع مسير المساهب ** من سج رجله بالفضا مـا يملّـي

شكرا ابو ماجد ابيات جميله والله يحقق طبتك ان شاء الله ويجيب الربيع..

[أ. ابو عبادي]

صح لسان الشاعر مساعد الجليدي

وكل الشكر لك أخوي شرقاوي على هذا الجهد

حبذا لو نقلت هذه القصيدة الى قسم القصائد الخاصة بالقبيلة ,,,

[هادي بن عامر]

قبل الصلاه الفجر فنجال زاهـب & يَجلىَ عماس الراس لين اسفِهلّي

اجمل وقت في ال24 ساعه .
تصوير رائع وجميل في الابيات الجميله يابو ماجد وصح لسانك ومشكور ياشرقاوي