البارق الشمالي
06-01-2010, 03:38 PM
على جدار الصمت خطيت ذكراك=
كتبتها بدموع عيني تواقيع
وكتبت معها "مستحيل اني انساك"=
تفنى قلوب دون حبك ولا ابيع
ياماكسحت وجيه لجل اكسب رضاك=
ولوعت قلب اللي عذل فيك تلويع
اول طموحي بين شوفك ولاماك=
والثانيه من دون شوفك باسابيع
تلعب بي الاوهام لي حل طرياك=
واعيش يومي بين وصل وتوديع
وعذب الكلام يصير مرٍ بلياك=
وسلاسة الابيات تصبح تقاطيع
والوم نفسي بين لوك ولولاك=
واسهر افكر والاوادم خواشيع
معنيٍ نفسي على كثر ما اهواك=
والبعد سارح في حشا الروح تمزيع
يا قلب صبرك كان روّح وجافاك=
دامه يلاقي من ردى الوقت تشجيع
يا قلب يكفي من تردّاه بكّاك=
خلى الوفاء والحب فينا مصاريع
ياقلب هون من غثا الحب وش جاك=
لا تغرك افكار ٍ سرت له توابيع
ان ما تعشق اللي على الناس بدّاك=
ولا الهوى ما في دروبه مطاميع
يا قلب . والدنيا تساهيل واشواك=
والناس فيها مثل صف الاصابيع
كتبتها بدموع عيني تواقيع
وكتبت معها "مستحيل اني انساك"=
تفنى قلوب دون حبك ولا ابيع
ياماكسحت وجيه لجل اكسب رضاك=
ولوعت قلب اللي عذل فيك تلويع
اول طموحي بين شوفك ولاماك=
والثانيه من دون شوفك باسابيع
تلعب بي الاوهام لي حل طرياك=
واعيش يومي بين وصل وتوديع
وعذب الكلام يصير مرٍ بلياك=
وسلاسة الابيات تصبح تقاطيع
والوم نفسي بين لوك ولولاك=
واسهر افكر والاوادم خواشيع
معنيٍ نفسي على كثر ما اهواك=
والبعد سارح في حشا الروح تمزيع
يا قلب صبرك كان روّح وجافاك=
دامه يلاقي من ردى الوقت تشجيع
يا قلب يكفي من تردّاه بكّاك=
خلى الوفاء والحب فينا مصاريع
ياقلب هون من غثا الحب وش جاك=
لا تغرك افكار ٍ سرت له توابيع
ان ما تعشق اللي على الناس بدّاك=
ولا الهوى ما في دروبه مطاميع
يا قلب . والدنيا تساهيل واشواك=
والناس فيها مثل صف الاصابيع