يامل قلب يفكه الهم ويخمه

[غازي الغازي]

يـامـل قـلــب يــفـكه الـهــم ويـخــمــه =
خـمـه عـجـوز ولـدهـا بـين روحـيـني
قـــدام تــزهــق حيـاتــه قـال يـايـمـه=
ثم اصـفـقـت مـن عـظيم الـوجد كفيني
طاحت على صدره الـي واقـف دمـه=
يـوم اذهـنـت جـرت الـونـه بصوتيني
وقـامـت تخمخم أيـديـه وجودت كمه=
تبـيـه وافـخـت وزاد الـهــم هـمـيــني
وعلى النعش يـوم قفوا به بني عمه=
طـاحـت وقامت وهامت والهيم شيني
تـدوي علـى ثوبـه المـنطول وتشمه=
وتسقي جفاف الشحوب بدمعة العيني
مـن حـر فرقاه مـا تمشي علـى يمـه=
ولا تـعـرف الاحـد مـن يـوم الاثـنـيني
مـاترقد الليـل مــن حزنه ومـن همه=
والـقلـب كـنـه يـطـعـن بـالـسـكاكينـي
كـن المـعزي يــشوف عيونهـا يـمـه=
تـغـيب وتـذهـن الـياجـوها المعزينـي
جـابولـها الـي قـر بـالمصحف وتمه=
يقـراء عـلـيها مـن الـقـرآن يـاسينـي
وانا مـع الناس كني من ورى الجمه=
الناس عندي والا ادري من يحاكيـني
اوحنــي بالعلم لكـن كيـف مـاضـمــه=
الله اعلم ويـن هـاجـوسـي مـوديـنــي
ارد عـلى الهم ضامي واشرب الجمه=
علـيـك يـالــي تـرويـنـي وتـضـميــني
وتشوف حالي عقب ماطبت من سمه=
ودواي بــيـديـك لـكــن مــاتــداويـنـي
امــا وفــى والـوفـــى تـبرابـه الذمــه=
ولا جـفـى والـجـفـى مـوت يـبـاريـنـي




هذي من القصايد التي اعجبتني وهي لشاعر/ راشد بن محمد الجعيثن
وارجو ان تكون قصيدة نالت اعجابكم واستحسانكم وشكرا

[الولـــــــيد،،،]

مشكور أخوي غازي على نقل هالقصيدة
وصح لسان الشاعر

[مثنى]

شـكــ وبارك الله فيك ـــرا لك ... وصح لسان شاعرها

وانا انتظر قصيدة لك يالغازي :o

[البارق الشمالي]

صح لسان الشاعر وباركالله فيك أخوي الغازي وبنتظار جديدك
تقبل تحيااااااااااااااتي

[ابو نبيل]

يعطيك العافيه أخوي الغازي إختيار موفق