لك منزلٍ بين القمر والثريّا

[نديم الجود]

السلام عليكم ورحمة الله وبراكاته
اهدي لكم هذه الابيات عسى ان تنال عجابكم



ياشرهتي قدرك على الراس والعين
لـك مـنـزلٍ بـــيـن الـقـمـر والــثـرياّ


طالبك عـودي لي وحذرا تروحــين
خــلـيـك حـول الـذات عــندي هـنـيّا


الصبر مـفـتاح الفـرج كـان تدرين
مثل السحاب اليا انـقـرت له اسـقـيّا


هــمّال وبـله بـــين لـبّه وعــرقـين
من شــاف برقه فـيه رحّـب وحـيّا


نبي انتخــاوا زيـن بالعــسر واللّين
هــيّا مــعي نرقا على الـرجــم هــيّا


يمكن علـيّه بعض الاوقات تخطين
ادمــح لـك الـزللّات مادمــت حــيّا


ماهــو اكــيد اجــيب لك ماتمـنّيــن
كـــم واحــدٍ له مـطـلـبٍ مــاتـهـــيّا


دور المـصالح فـوق كــل القـوانين
مــعـاد بــه فـــزعـه ولابـه احــمـيّا


شـعر النبط غثه اخــتوش وبـزارين
حــطــوه تال الـوقــت لعـبة اعـمـيّا


شعر الحداثه ضيّق الصدر ياحسين
والــيا عــذلـته هــز راســه و عـــيّا


هــذا زمان العــولــمه والـمـلايــين
مـدري عـلام الـوقـت طــبعه كــذيّا


والمال حـط الهيــس قـدم الــميامـيـن
ون قــال هــرجـه صـفّــقـولــه بــلــيّا


والـقـل حـط الملـتزم بيــن قـــوســيـن
يـاقــوم يابـن افــــلان قــدره اشــــويّا


لوهـو كـريم ويدبل الصاع صاعــين
والـــيا طــلــبــتـه فـــزعـته مــاتــريّا


اْخـر زمن حـطّم عـروش وسـلاطين
مــاكــن واحــدهــم بــقــصره تـفــيّا


عـقـب الغـناه وعـقـب ملـك البسـاتـين
اصــبــح وكـــفّـه خــاليـه دون شــيّا


ومـن قـدّم الدنـيا عـلى نصرة الـديـن
خــاب وخــســرهـا مابــقى له ابـقـيـا



التوقيع مساعد الجليدي

[ذيب النمريه]

شـكــ وبارك الله فيك ـــرا لك ... لك مني أجمل تحية .

[ابو طالع]

بسم الله الرحمن الرحيم



نبي انتخــاوا زيـن بالعــسر واللّين=هــيّا مــعي نرقا على الـرجــم هــيّا


يمكن علـيّه بعض الاوقات تخطين=ادمــح لـك الـزللّات مادمــت حــيّا


ماهــو اكــيد اجــيب لك ماتمـنّيــن=كـــم واحــدٍ له مـطـلـبٍ مــاتـهـــيّا

صح لسانك يابو ماجد . ماقصرت روضت شرهتك بسلوب لطيف واكيد ماكل الناس تـقدر صاحب الشرهه . وفيه مثل قديم يقول فلان ماعليه شرهه .
والمال مافيه شك انه يرفع الرجال حتى لوكان ماهو وافي كل الخصال
وبركات الشريف من الشعار القداما .حث ابنه على حفظ المال واضن
كثير من الناس يعرف بيوته بهذا الشان.
ام شعر الحداثه انا لست شاعر ولاعندى عليه تعليق.
دايم بيوتك جزله مايبيلها نتمنى تثري المنتدى بقصائدك الجميله تحياتي..

[نديم الجود]

شـكــ وبارك الله فيك ـــرا لك ... لك مني أجمل تحية .

شكرً لمرورك دمت بخير وعافيه

[مثنى]

كعادتكـ يابو ماجد ترتقي بالشعر الى اعلى القممـ .
تريد ايصالهـ الى نفس المنزلهـ التي وصلت شرهت لك لها

ابو ماجد..

صح لسانكـ
وأدام الله ابداعكـ

احتراميـ

[نديم الجود]

بسم الله الرحمن الرحيم



نبي انتخــاوا زيـن بالعــسر واللّين=هــيّا مــعي نرقا على الـرجــم هــيّا


يمكن علـيّه بعض الاوقات تخطين=ادمــح لـك الـزللّات مادمــت حــيّا


ماهــو اكــيد اجــيب لك ماتمـنّيــن=كـــم واحــدٍ له مـطـلـبٍ مــاتـهـــيّا

صح لسانك يابو ماجد . ماقصرت روضت شرهتك بسلوب لطيف واكيد ماكل الناس تـقدر صاحب الشرهه . وفيه مثل قديم يقول فلان ماعليه شرهه .
والمال مافيه شك انه يرفع الرجال حتى لوكان ماهو وافي كل الخصال
وبركات الشريف من الشعار القداما .حث ابنه على حفظ المال واضن
كثير من الناس يعرف بيوته بهذا الشان.
ام شعر الحداثه انا لست شاعر ولاعندى عليه تعليق.
دايم بيوتك جزله مايبيلها نتمنى تثري المنتدى بقصائدك الجميله تحياتي..

كل الشكر والتقدير لك ابوطالع تشرفت بمرورك لك اجمل التحايا

[نديم الجود]

كعادتكـ يابو ماجد ترتقي بالشعر الى اعلى القممـ .
تريد ايصالهـ الى نفس المنزلهـ التي وصلت شرهت لك لها

ابو ماجد..

صح لسانكـ
وأدام الله ابداعكـ

احتراميـ

مليون شكر لك اخوي مثنى ع مرورك العذب والمميّز

دمت كما تحب ودمت بهذا التميّز لك مني اجمل تحيه وتقدير

[سلطان الغيداني]

والمال حـط الهيــس قـدم الــميامـيـن
ون قــال هــرجـه صـفّــقـولــه بــلــيّا
مشكووووووور ع القصيده ولك تحيااااااتي