المساعد الشخصي الرقمي

مشاهدة النسخة كاملة : هلا ابوفلان كيف الحال وشلونكم عساكم طيبين وشلون ربوعكم


ابو شادن
06-12-2010, 12:45 AM
هلا ابوفلان كيف الحال وشلونكم عساكم طيبين وشلون ربوعكم كيف الصحه كيف الحال وشلون العيال ... يالله حيه وشلونكم وشلون اللي جيت منهم ... هذا طبعا اذا قمت بزيارة احد اقاربك او كلمته جوال ... ويبي لكم خمس دقايق كل واحد يمطر الثاني بوابل من الاسئله ... والمشكله الواحد يعطي جواب وخمس اسئله ويستمرون على هالموال والمهزوم اللي يوقف الاول .. واحد يقول كيف الحال ويرد عليه الثاني وشلون العيال ويرد عليه كيف الصحه فيباغته بسؤال مفاجيء وشلون جيرانكم ( لكن ماحدد اي الجيران ) وبعضهم اذا كان جاي من ديرة بعيد ( يسأله وشلون أهل الديرة ) وكما ذكرنا سابقا لا اجابات كلها اسئله في اسئله ... وتنظبط الشغله اذا كانوا واجد كأنك في حراج .... وسؤالي هو ليش ما تكون العمليه منظمه يعني تسئلني كيف الحال ارد عليك باجابه وبعدين تنتظر سؤالي ... والسؤال هنا هو هل هذه من ضمن العادات والتقاليد اما انها سلوك ينبغي ان نغيره .... انتظر ارائكم .....

البحر الغربـي
06-12-2010, 01:05 AM
<<<ابو شادن


انت مبدع ومميز وتجيب اشياء حلوهـ


من ناحية مو مرتبه هذا صحيح ولكن هذه انا اعتبرها علامات فرح سواء مقابله او مكالمه

انه كل واحد يبغى يسأل ويبدأ وكل شيء


هذه وجهة نظر فقط لاغير

وانا اعتبرها ايجابيه وكل ما لخبطت بالاسئله تكون احسن واحسن

لما تقول ليه ؟؟؟

انا اعلمك

الحين اذا قابلت شخص وصار سلامه عليك عادي ولا كثر الاسئله ولخبطهن اذا رجعت قالوا لك وشلون فلان .؟؟


اكيد تبغى تقول والله انه بارد ويالله سلم علي ولا فز لي بالسلام الظاهر انه ضاق يوم شافني



تقبل مروووري >>>

♥Sweet♥Heart♥
06-12-2010, 01:07 AM
يا حليلك يا ابو شـــادن

ما اعتقــد انهــا تـقــاليد موروثـة

و بـرأيي انهــا تدخل في مسمى الــسلام الحــار

و الــشخــص يبغاكـ تنتبه انـه يعــزكـ و لكـ مكــانه ويقعد يحتفي بكـ ليـن ينشف حلقـكـ

و من حيث هل هي سلوكـ خـاطئ أم لا

اقـتــرح واحــد ينضم المقــابلــة و هو اللي يســـأل الاشخــاص هههه

مشكور على الموضوع الحــلــو

ابو شادن
06-12-2010, 01:29 AM
<<<ابو شادن


انت مبدع ومميز وتجيب اشياء حلوهـ


من ناحية مو مرتبه هذا صحيح ولكن هذه انا اعتبرها علامات فرح سواء مقابله او مكالمه

انه كل واحد يبغى يسأل ويبدأ وكل شيء


هذه وجهة نظر فقط لاغير

وانا اعتبرها ايجابيه وكل ما لخبطت بالاسئله تكون احسن واحسن

لما تقول ليه ؟؟؟

انا اعلمك

الحين اذا قابلت شخص وصار سلامه عليك عادي ولا كثر الاسئله ولخبطهن اذا رجعت قالوا لك وشلون فلان .؟؟


اكيد تبغى تقول والله انه بارد ويالله سلم علي ولا فز لي بالسلام الظاهر انه ضاق يوم شافني



تقبل مروووري >>>




البحر الغربي

اشكرك على وجهت نظرك واختلاف الرائي لايفسد للودي قضية ماذبحنا إلى الهياط هههههه بعدين مقابله ممكن لاكن مكالمه بفلوس يعني حتى السلام خلك سريع شوي وعطنا الزبده شاكرلك المشاركة والأطلاله على مواضيعي

ابو شادن
06-12-2010, 01:38 AM
يا حليلك يا ابو شـــادن

ما اعتقــد انهــا تـقــاليد موروثـة

و بـرأيي انهــا تدخل في مسمى الــسلام الحــار

و الــشخــص يبغاكـ تنتبه انـه يعــزكـ و لكـ مكــانه ويقعد يحتفي بكـ ليـن ينشف حلقـكـ

و من حيث هل هي سلوكـ خـاطئ أم لا

اقـتــرح واحــد ينضم المقــابلــة و هو اللي يســـأل الاشخــاص هههه

مشكور على الموضوع الحــلــو


عصى الدمع
تسلم على المرور وسمعت لي قصه إن واحد من الأخوان السعوديين الظاهر انه محشش ترا ماني متأكد (قل ايش قال سلام حار) يسلم على واحد قال وشلون الوالد قال متوفي قال قصدي الوالده قال بعد متوفيه قال قصدي قبل تموت

وبعدين وشلونكم (قمحي )حسب الهوية الوطنية هههه

وشاكرلك التعقيب على مواضيعي المتواظعه

منيف الجليدي
06-12-2010, 02:03 AM
باختصار
هذا من زود الغلا والفرحه فيك مو هياط ولاحاجه

ابو شادن
06-12-2010, 02:18 AM
باختصار
هذا من زود الغلا والفرحه فيك مو هياط ولاحاجه


(منيف كيف حالك وشلونك وعلومك واخبارك وعساك طيب وشلون اهل الديره وعسى كلشن زين وشلون الجيران والشيبان )

وبعدين وراك معصب هد شوي نبي وجهات النظر واختلاف الرائي لأيفسد للود قضية

وتسلم على المرور الأكثر من رائع اخوي منيف

ابو نبيل
06-12-2010, 02:21 AM
أنا مع أخوي أبو شادن
وأضف إلى ذلك إن كل سؤال إجابته معروفه مسبقا
يعني لو قال كيف الحال بتقول طيب حتى لو كنت تعاني من مرض
ولو سئلك عن أحد وقت السلام بتقول يسلم عليكم حتى لو ماقلك سلمني عليه
وهلم جرااااا
تقبلو رأيي بصدر رحب

ابو شادن
06-12-2010, 02:45 AM
أنا مع أخوي أبو شادن
وأضف إلى ذلك إن كل سؤال إجابته معروفه مسبقا
يعني لو قال كيف الحال بتقول طيب حتى لو كنت تعاني من مرض
ولو سئلك عن أحد وقت السلام بتقول يسلم عليكم حتى لو ماقلك سلمني عليه
وهلم جرااااا
تقبلو رأيي بصدر رحب



ابو نبيل اذاً الحمدلله انك من المؤيدين ورأيك ع العين والراس
وشاكر مرورك بصدر رحب

ماجد العبدالله
06-12-2010, 03:00 AM
أول شي// عوآآآآفي عالموووضووع ابوشادن

كلامك واآآآقعي .. وهالشي للأسف منتشر وبقووهـ
اما وجهة نظري >> انا اعتبرها مجامله
الزمن مآ يمشي فيه الا المجآملآت وعلى قولتهم " كلن عطه على جوهـ

ابو شادن
06-12-2010, 03:23 AM
أول شي// عوآآآآفي عالموووضووع ابوشادن

كلامك واآآآقعي .. وهالشي للأسف منتشر وبقووهـ
اما وجهة نظري >> انا اعتبرها مجامله
الزمن مآ يمشي فيه الا المجآملآت وعلى قولتهم " كلن عطه على جوهـ



هلا بماجد ,, واحترم وجهت نظرك واعجبتني (كلن عطه على جوه )
وعطرت موضوعي بمرورك

عبدالإلة الجليدي
06-12-2010, 03:31 AM
أبو شادن الله يجزاك خير ليش مستغرب منهم هذا والله يفرحنا الواحد يمكن ماهو مصدق إنه سلم عليك وشافك

أو كلمك هذا تقدر تسميه تعبير عن فرحه هذا أحسن من اللي مايسلم ولا يكلم خل الناس تمشي على كيفها

ولك مني أجمل وأرق وأحلى تحياتي

ابو شادن
06-12-2010, 03:55 AM
أبو شادن الله يجزاك خير ليش مستغرب منهم هذا والله يفرحنا الواحد يمكن ماهو مصدق إنه سلم عليك وشافك

أو كلمك هذا تقدر تسميه تعبير عن فرحه هذا أحسن من اللي مايسلم ولا يكلم خل الناس تمشي على كيفها

ولك مني أجمل وأرق وأحلى تحياتي


عبدالآله اشكرك على المرور
وممكن يكون تعبير عن فرحه وهذا اللي نتمناه او زي ماذكر ماجد بأن تكون مجامله والمجامله كمان مطلوبه

واكرر شكري لك

بجاد الحربي
06-12-2010, 05:44 AM
والله اعرف واحد من زملائي

والله يااخوان اذا جيت تسلم عليه
انا اقوله اخبارك وهو يبداء يسرد
كيف الحال والله بخير شلونك والله الجيران تمام
وين الناس ماتتصل والله مشغولين
هذا هو يقوله شخص واحد
يعني يسال ويجاوب نفسه
بس يمكن مثل ماقالوا من الحماااااس

ابو شادن
06-12-2010, 10:34 AM
والله اعرف جليدي ماودي اقول اسمه
خخخخخخخخخخخخخخخخخخخ
بدينا نطلع الفضايح
والله يااخوان اذا جيت تسلم عليه
انا اقوله اخبارك وهو يبداء يسرد
كيف الحال والله بخير شلونك والله الجيران تمام
وين الناس ماتتصل والله مشغولين
هذا هو يقوله شخص واحد
يعني يسال ويجاوب نفسه
بس يمكن مثل ماقالوا من الحماااااس
اذا تبون اعلمكم منهو قولوا لي
ههههههههههههههههههههههههه
الله يرج بليسك يا.......
اووووووووههههههههههههههههااااااااااااي
بغيت اغلط واقول اسمه




هلا بجاد زود الحماس خخخخ وواحد جليدي يرجال الناس اغليبيتها على نفس الموال (عادات وتقاليد)
شاكر ع المرور والتعليق