بدر الحويفي ومدح حباب الثواب وربعه الجلادية
 

[glow=000000]هذه القصيده اخذتها من ديوان بدر عواد الحويفي الجزء الثاني

وهي مدح للشيخ حباب محمد ابن ثواب الجليدي { ابوذياب } وجماعته [/glow]



[glow=000000]


ابا اتمشى بالسهال العباعيب
وارافـق اللـي لو زعلت اضحكوني

والله يالولا خــوة الطير والجيب
وربـــع ليا خاويتـهم قـدرونـي

دنيا وديــن مكمليـن المواجيب
بذالتـن للمــال ماهــم عفـونـي

معهم تقـل ضيفـن بلزمة معازيب
وباحـسـن مـكان بينهـم جلسونـي

والكيف جاهز والسوالـف تعاجيب
عـن غيرهــم بفعولهـم دلهونــي

ماهم ثعالب كل واحـد تقل ذيـب
لـو طالـت الشطـه عليهـم تهونـي

عميـدهم رجـلن مـضى له تجاريب
رجـال عـن كـل العيـوب امحصونـي

ابوذيـاب اللـي يهـد الاصاعيـب
مـواقـفه تصـعـب علـى كـل دونـي

حباب ستـر المحـصنات الرعابيب
هـيـف السمـان معرمـات الصحونـي

صـدر الجمل ماهو قـريب محاضيب
عـلـى خـويـه مايـسـن السنـونـي

طيب ومن ربعن تربوا على الطيب
رغـمـن علـى حـسادهـم يمـدحونـي

هـيف السمـان مربحـات الجلاليب
يشـرونها لـو ديـن باللي يكونـي

تشهد حمايل حـرب هـي والاجانيب
يـوم المجاعه والتهـاب البطـوني

ماهـي فعول مـصربين الـمصاريب
اللـي كـرمـهم للـطراقي ظنـونـي

مثل الرسوس اللي شوتهااللواهيب
وآخـر ثـراها مايبـل الغـصـونـي

والطيب كايد والرجـوله مواهيب
والناس حـسـب افعالـهم يفرقونـي

هذا وانا مالي على الناس تعقيب
لـكـن ردييـن الحـظـوظ اجبـرونـي

اللي جداهـم مايطـول المراقيب
مـع درب عشـاق الفـخـر يـزحفونـي

ياللي تخاطبـني بخـشن الاساليب
مـالـك ومــالي لاتـدخـل بـشـونـي

تقولي شايب وانا مانكر الشيـب
والـشـيب مـن شـي تشوفـه عيـونـي

اشـوف ناس ماتشيـم عـن الـعيب
لاديـــن يـمـنـعـهم ولايـسـتحونـي

عاشوا على الغيبه وشذب العراقيب
بـبحور طـغيان الجهـل يـسـبـحونـي

يعطـون عـن نـطق الحقايق مجانيب
وهـذي طبايـع كـل شـخـصـن مـجونـي

يامعـذر بين الناس فيكـم عذاريب
يـالـيـتكـم بعـيوبكـم تـنـظرونـي

عـيـوبـكـم بـجيوبكم يالمـصاويب
بأمـراض يمـكـن منتهاها الـجنونـي

مالـي بعـشرتـكم شفـوف ومـطاليب
سيـرو بـحالـتـكم وانا فـارقـونـي

وكلـن علـى طبـعه يصافيه اصاحيب
وانا ماصـاحـب شـلتـن ما اعجبـوني

اخـاف مـن شـي يـجيـبه مناقـيـب
امـا جـهـلـت بـحال وإلا احـرجـوني[/glow]

[poem=font=",6,darkblue,bold,normal" bkcolor="red" bkimage="http://jlede.com/vb/mwaextraedit2/backgrounds/12.gif" border="solid,4,green" type=0 line=0 align=center use=ex num="0,black""]
حباب ستـر المحـصنات الرعابيب = هـيـف السمـان معرمـات الصحونـي
]صـدر الجمل ماهو قـريب محاضيب = عـلـى خـويـه مايـسـن السنـونـي
طيب ومن ربعن تربوا على الطيب = رغـمـن علـى حـسادهـم يمـدحونـي

هـيف السمـان مربحـات الجلاليب = يشـرونها لـو ديـن باللي يكونـي[/poem]


شكرا نمراوى على النقل

وصح لسان الشاعر بدر الحويفي

شا عر غني عن التعريف ...

وابو اذياب كفو ويستاهل اكثر وفعلا على ماقل الشعر بدر

وربعه الجلاديه لكل شاهدلهم والله الحمد على طيب كرمهم

هذ وتقبل تحيا تي

نمراوي

الف مليون شكر لك

نحن بحاجة لمثل هذه القصائد في المنتدى

نمراوي
بكل كلمات ومعاني الود والتقدير والاحترام اتقدم لك بخالص وجزيل الشكر لك على طرح هذه القصيده

وصح لسان الشاعر بدر الحويفي والله يعطيه الصحه والعافيه

وابو ذياب وربعه كفوا و يستاهلون كل مدح وتقدير

كل الشكر لك يانمراوي على القصيده وصح لسان قايلها ويستاهل ابوذياب ولويكتب فيه ديوان كامل ماكفيناه لانه من الاحرار الطيبين

[glint]جميل مـــآ نثر هنـآ من

آبيـآت شعريه والآجمل آنها بقبيله له

مكانتها وثقلها ورجل قــدوه لنا

ابــــو ذياب كــــفو للقصيد
. . [/glint][align=right][/align]



































[align=left][glint]{ ...... آرسل لك آجمــل وآعطــر تحياتي لناقل

القــصيــدة نـــمــــراوي دمت ودام نقلك

للقصائــد التي تخص هـــذه القبــيله ...........}[/glint][align=left][/align][/align]

[align=center][glow=000000] صح لسآن الشــآعر بـــدر الحــويفي ..
ولآهنت .. يانــمــرااااااوي على النقل ويســتاهل
أبــــو ذياب . . . [/glow][align=center][/align][/align]

مششكور ع الطرح
وصح لسان الشااعر بدر
وابو ذياب يستااهل هو وجماعته