®¶ ξζمُنتَدَيات َقِبيلة الجَلاِديهْـ ¶ ξζ ®

®¶ ξζمُنتَدَيات َقِبيلة الجَلاِديهْـ ¶ ξζ ® (http://jlede.com/vb/index.php)
-   ♥ « ξـآلمُ آإلڛيآرآتْ » (http://jlede.com/vb/forumdisplay.php?f=35)
-   -   شاهد فرد مديل قديم بس كانه جديد (http://jlede.com/vb/showthread.php?t=3637)

ابو طالع 01-30-2011 03:29 PM

شاهد فرد مديل قديم بس كانه جديد
 
بسم الله الرحمن الرحيم
السلام عليكم ورحمة الله وبركاته
شاهد ها الفرد مع مجموعت سيارات من المديلات الجديده يعتبر هو العود بينهم نظرا لكبر سنه بس ما شاءالله محتفض في نظارته. واضن صاحبه
قصيمي لاان الصوره لمتنـزهين في شعيب الركية قرب مركز الربيعية بالقصيم
بعد امطار الاربعاء 22/2/1432هـ..

http://www.m5zn.com/uploads/2011/1/3...584aperjpw.jpg

TARQ 02-04-2011 03:08 PM

ماشاء الله عليهـ ..!

ماجاهـ شاكوش ههههههه ماشاء الله ماشاء الله ..

وعلى قولتهم يابوطالع قديمكـ نديمكـ ..!

وقبل فتره جاني بالإيميل قصيدة عن الفورد ..

أسمحلي أعرضها لكـ ..!

[poem=font=",6,black,bold,normal" bkcolor="burlywood" bkimage="http://jlede.com/vb/mwaextraedit2/backgrounds/8.gif" border="inset,4," type=0 line=0 align=center use=ex num="0,black""]
الفورد حبيته رفيق المداهيل =من شانه اللي فايقن في جماله
ابذكر الميزات واعطيك تفصيل =وعندي على قولي شهود ودلاله
الاوله من مصنعه بالبحر شيل =مجلوبن من الغرب موتر وكاله
طبلونه اصفارن ولا دار به ميل =ولا ثبر بين الوحل والطماله
من مصنعه للمشتري حفظ وتدليل =مستور وظله بين صاله وصاله
بدرن تعلا بالفضا لظلم الليل =كنه سنا برقن يلاسب خياله
فيه المتانه والعزم ينهض الحيل =ما يرتخي في كايد الدرب حاله
متماسكن ما فيه حذف وتراقيل =لمد بالبيدا يسابق جماله
متوازن الترصيص ما فيه تسحيل =ثابت مع الارياح عدلن مجاله
يصبر على الكده اليا جاه تحميل =لو تكثر الاحمال وتزيد شاله
الفورد موتر طلعتك لقبل السيل =وان طالت القيله وصكت جباله
ما يرتخي بالطين يصهل كما الخيل =شرسن مع الطعس الحمر في رماله
صوته اليا ديور كما صيحة الفيل =اللي مع الغابه ينادي عياله
والا مع القفرا اليا سار ما يميل =مثل الجمل لمن تدرهم لحاله
يصبر على درب العنا والغرابيل= يستاهله قرمن صرف له رياله
موتر خلا يكفيك عسر وبهاذيل =وترا المعالي للي جود حباله
من يستخير الرب شرب الشهاليل =ومن صد عن ربه يعيش برذاله[/poem]

ابو طالع 02-07-2011 02:47 PM

بسم الله الرحمن الرحيم
شكرا طارق على مرور ك وايرادك القصيده عن الفرت
الفرت كان له دور لانه هو اول بداية السيارات الذي استخدموها
هل الجزيزه وكان له شان في الماضي...

سعد عيسى الجليدي 02-07-2011 04:10 PM

الفرد وليس الفرت الله يحفضك يابو طالع

TARQ 02-07-2011 04:32 PM

اقتباس:

المشاركة الأصلية كتبت بواسطة سعد عيسى الجليدي (المشاركة 29061)
الفرد وليس الفرت الله يحفضك يابو طالع


وأيضا أسمهـ الفورد وليس الفرد الله يحفضكـ يا سعد :(180):

عندما ارى عيونك فأني اخق 02-11-2011 02:17 AM

الفورد له مكانته ايام قبل اما الوقت الحالي { ما يسوى ريال }


مشكور يا بو طالع


ملاحظه صحيحه اسمه فورد بس الله يحفظك تكتب كذا الله يحفظك :(304):مو كذا الله يحفضك :(153):

>>> الله يحفظكم :(28):

♥Sweet♥Heart♥ 02-26-2011 11:13 PM

[glow1=330000]
صـــــورة جميلـــــة يـــا ابـو طــالع ...

،،،،

و قصـيـدة أجمل يــا طــارق


أمــا الشبــاب اللي فــوق قــالبينــهــا تــدقيق ياللــه مــعكمـ
[/glow1]
:(185):



اقتباس:

مشكور يا بو طالع
يا ابــو طـالع و ليس يا بو طـالع >>>:(304):

يــا : عنـدمـا أرى عيـونك فـاني أخـق


الساعة الآن 10:26 AM.

جميع الحقوق محفوظة لدى منتديات قبيلة الجلاديه

This Site Uses The Product: 7elm V 2.6

تصميم وترقيهـ

هذا الموقع مدعوم من الجسمي للاستضافة والتصميم والدعم الفنى