®¶ ξζمُنتَدَيات َقِبيلة الجَلاِديهْـ ¶ ξζ ®

بســمـ اللــه الـرحمـن الـرحيــمـ

الــســلامـ عـليكمـ و رحمــة اللــه و بـركــاته

هذه قصيدة مدح في قبيلة ( حــرب )

وهي للشاعر الكبير ( سعد بن عماش بن خرصان الحافي العتيبي ) رحمه الله

البارح أمسـى ضميـري فيـه ولوالـي
والعين ما ذاق غمض النـوم حاجبهـا
ذكـرت دار الوفـاء والمذهـب الغـالـي
دار عسى السيل يسقيهـا ويصحبهـا
يـا راكـب اللـي ليـا روح مـع اللالـي
أسبـق مـن الريـح يــوم الله يهببـهـا
هـاف جـديـد اخـيـار الــوارد التـالـي
من شركة فورد تو جت بـه مراكبهـا
يقـوم مـن حايـلٍ و الـفـي مــا زالــي
وعصير طب المدينـة واستـراح بهـا
سير مع السوق وارفع صوتك العالي
وسلم على حرب حاضرهـا وغايبهـا
تلقى رجـال الوفـاء والمذهـب العالـي
وتلقـى الغـلا عنـد جاهلهـا وشايبـهـا
خمسة عشر عام وأنا جوفهـم سالـي
الربـعـة الـلـي اتـدلـه مــن يقـاربـهـا
عليهم الِبيـض تكسـي حتـى الأقذالـي
الـعـزوة الـلـي عـزيــزات مذاهـبـهـا
مـن جـيـت منـهـم يرحـبـي وحيـالـي
وإن جيت في قالتن راسي يطول بها

والعلم الآخر إليـا حِـرّج علـى التالـي
دون الركايـب إلـيـا زلــت عجايبـهـا
كـم دار قـوم ولـوه بحـرب الأبطـالـي
يصبـح بـه البـوم والثعلـب يجاوبـهـا
كم شيـخ قـوم طووبـه نايـف الجالـي
على النقا والعرب مـن دون واجبهـا

وهذه القصيدة رد من الشاعر عليان مطلق المحمدي الحربي وهو من سكان المدينة المنورة

على قصيدة الشاعر سعد بن عماش بن خرصان الحافي العتيبي في قبيلة حــرب

جانـي جـواب المعلـم وانشـرح بـالـي
من يوم شفـت البيـوت اللـي مرتبهـا
يـا مرحبـا يـا هـلا بالخـط وإن جالـي
ومـسـوي القـيـل بأبـيـاتـه وكاتـبـهـا
إن شفت مقبل عطيته وجـه وإقبالـي
والـنــاس مـمــا تـوجـبـنـا نـوجـبـهـا
والأجنبي ليا سكـن فـي الـدار نزالـي
ديـارنــا لـــه و سـيـعـات جـوانـبـهـا
ليا صار عاقـل وعـارف كـل مجدالـي
يشرب من عدودها وصافي مشاربها
نـفــداه بـالـحـال والأرواح والـمـالـي
ولازم نعـزه كـمـا اللحـيـه وشاربـهـا
وأنتـه عتيبـي عريـب الجـد والخالـي
تعرف سلوم العـرب وأيضـا مجربهـا
من ربعـة فـي الملاقـا تحتمـي التالـي
يوم إن بعـض العـرب خلـت ركايبهـا
فهـود وأسـود فـي غابـات الأشبـالـي
ليا هاشـت سباعكـم ماحـدن بقاربهـا
وان جاء نهار يسمى هـوش وقتالـي
حريبـكـم غـارتـه يـشـكـي عواقـبـهـا
مثل البحر لاصفق موجه على الجالي
العـالـيـة مـــن مـزابـيـنـه يـخـربـهـا
وقـم يـا نديبـي تولـم واخـذ الأمثـالـي
من فوق بنـت الأصيـل اللـي معربهـا
عشرين فـي عدهـا مـن دق وجلالـي
أصـايـل جـدودهـا تـعـرف مجـاذبـهـا
تشـدي قطـاة حـداهـا لاهــب الـلالـي
تجفل ليا أومت عصاهـا عنـد راكبهـا
تلفـي سعـد فـي محـلـه بــن ودلالــي
يـفـرح لـيـا شافـهـا تـومـي جنايبـهـا
حلحيـل حلالـهـا مــن كــل الإشكـالـي
يحـل الإشكـال لـو خصـمـه يصعبـهـا
عطـه جـواب سـواة السـكـر الحـالـي
أمـثــال وأبـيــات راعـيـهـا مرتـبـهـا
معهـا سـلام جديـد وحـسـن الاقبـالـي
مـن حـرب سكـان طيبـة عـز جانبهـا

و ســـلامتكمـ