احبيت ان انقل لكم هذه القصيده
وهي قصيدة من درر فرج بن خربوش الشمري ، يمدح فيها قبيلةحرب ،
وقد قال ابن خربوش هذه القصيدة عام 1363 هـ وقد توفي رحمه الله في 1389هـ .

[poem=font=",6,black,bold,normal" bkcolor="transparent" bkimage="http://jlede.com/vb/mwaextraedit2/backgrounds/24.gif" border="solid,4,orange" type=2 line=0 align=center use=ex num="0,black""]
راكب مـن فـوق زيـن المشاديـد = متحـدرِ مـن راس عالـي جبـالـه
ممشاه من سلمى عطـاه الرواعيـد = الأجنبـي وإن جـاه يعطـى جمالـة
من جاه بسلم العرب بالشـرف زيـد = ومـن جـاه بحـرب تعـزز لحالـه
يقـع اشمـام عنـد نـوز البواريـد = يرمـى بيـانٍ مـا ندسـه اغيـالـة
من راس ابن خربوش ما هي بتقليـد = مـن دار ذربيـن اللحـى والجزالـة
النضو ركابه على كيـف مـا اريـد = لابـن معيتـق كـازيـن الرسـالـة
يحيي براع النضـو قبـل التناشيـد = ريف الركاب اللـي توامـى حبالـه
ويقلـط العانـي بزيـن المقاعـيـد = ويسيـح عنـد منفـد البـن بـالـه
قل وش علم جيشك مر سلمى مسانيد = هل اللحيسـة مكرمـة مـن عنالـه
ركن بوجه الجيش وإن جاء مصاعيد= قدامـه الوافـيـن بـكـل حـالـه
الضيف يعطونه على كيف مـا يريـد = ويقعـدونـه بمقـاعـد شـكـالـه
وعلى النعي مثل المحوص المواريـد = يحيون باللي طـب مـع راس جالـه
ونفوسهـم للضيـف مابـه عواقيـد = وكـلٍ يدسـم شـارب اللـي عنالـه
وبشرقي جبل سلمى قرايا المساعيـد= يحيـون بالرجلـي وراع الزمـالـة
وحب اللقيمي ميرهم مع نمـا الغيـد = وفنجـال مونـسـه مــع كمـالـه
وبـدوٍ تنفـد غالـي البـن تفنـيـد= بـدلالٍ ورفــافٍ مــديٍ ظـلالـه
وبظلال سلمى الصبح ربـعٍ صناديـد= ملافـظ الشريـان ترهـم شمـالـه
ملفـى فيـاضٍ وملـفـى مسانـيـد= يحيـون باللـي ذاهليـنٍ اعقـالـه
جيشـك تعدانـا يـاخـذ تصـاديـد = دليـل جيشـك فوتـه مـن اهبالـه
ومثلك يشيـم عـن كثـر الهرابيـد= والا نعـرف الطيـبـة والفسـالـة
معزبكم المذكـور ياعـل مـا يفيـد = يا حيـف ليتـك بـارزٍ بـه لحالـه
على خلاك مسـويٍ قـد مـا تريـد= والا سكـت ودامـح لـه خمـالـه
مير شنتم وشينتم جميـع الاجاويـد = والكـل منكـم قـام ينخـا رجالـه
كـل القبايـل بـه اعفـونٍ ملابيـد = واشخوص العرب ما تندمر من احثاله
حرب من القبلة إلـى أدنـى تخاديـد = جللت ذربيـن اللحـى مـن اجلالـه
يامـا بـحـرب كــرام صنـاديـد = وياما بهـم مـن مدركيـن الجمالـه
وياما بهم مـن مشبعيـن المراديـد = شيـوخ تنفـد مـا لهـا دون حالـه
ابـن نحيـت نفـد الملـح تنفـيـد = من كون بقعـاء عندنـا لـه جمالـه
ويوم المليداء شدد الحـرب تشديـد = مرقب اغضـي ٍ نشـده وش جرالـه
ربعه بني سالم مشو والجمـل قيـد = يوم أبـو ضيـف الله بـرايٍ عبالـه
ومعنـا صداقتهـم اسنيـن سراميـد= وراع الثنـا مـا ينجـزي بالفسالـة
وضيف الله شوق اللي نهود مقاعيـد = رخيـص مـا باليـد ثقيـلٍ ابحالـه
ألين من الما هـو مـا بـه عواقيـد = حـلال قـالات تلـولـس حبـالـه
واخوات حسنـا للمجـوخ صياييـد = بالسيـف ردوا عنـد تالـي ثقـالـه
بمحاس أبو جلاجـل تلقـا المفاريـد = تشدى دراويش عـن الـدرب عالـه
أبو جلاجل شوق اللي طماحه تصاديد = مربوعـة حشـوا المنقـش جمالـه
ارخى لجام السيف بالـراس توريـد = بيوم بـه الخفـرات تذهـل اشيالـه
بني علي ربعه على كيف مـا يريـد = ترعا بهم شقحٍ على الحمـض مالـه
واخوات نورة تكـرم الجـار وتزيـد =تورثـوا بـاس المهـادي وبـالـه
ويرعن بهم الزرفات فيضٍ وتسنيـد = مـن حجـرفٍ سيـفٍ ورايٍ برالـه
وليـا تعـلـوا ليـنـات المقـاويـد = كـم مـن طمـوحٍ قلدوهـا حبالـه
وناهس صليب الشور عقب صناديـد = عقب شيـوخٍ تفـرح اللـي عنالـه
اللي قنـص بالحـر صيـاد ومفيـد = واللي قبـص بالتبـع عـزي لحالـه
غالب بـن مقحـم ذرا كـل رعديـد= زبن الحصـان ليـا تواطـن حثالـه
كـلٍ نعرفـه بالثنـاء والتماجـيـد = ابن صميعـر فرحـة اللـي عنالـه
من دون ضيفه ورد النفـس توريـد= من الحكم فك الضيف وارخص حلاله
عقيـد عيـرات يبـوحٍ البـراريـد = دار الـعـدو لازم يـنـزل بجـالـه
نزه الشوارب عن جميـع العواقيـد= الله يحـل الشايـب اللـي غـدا لـه
فيحان يثنـي عنـد شقـحٍ مواليـد = وإن ضيعت عقب الضبابـة اعيالـه
بامال طيبـاً ماجـد عندهـن صيـد = وجحيش والعبـد المطـرف برالـه
ما سندت خيـل المضاييـن تسنيـد = ومن ذل فنجال الشرف مـا مشالـه
خلف بن ناحـل ببيتـه تقـل عيـد = اللي عطا الزمـال مـن حـر مالـه
نافل بـن غميـض يشريـه ويزيـد = راع الخروف يربحـه اليـا عنالـه
ونعم بابن ناقي وان جـاء جويريـد= ببيوتهـم تلقـا الشبـب والشكالـه
ونفوسهم للضيف مـا بـه عواقيـد = أهل المليحـاء كـان جـود عقالـه
وبانين بيـوتٍ نايفـاتٍ علـى البيـد = لاجناب هم واصحاب ماضـيٍ فعالـه
وزيدان بن مطلق وان جن عراجيـد = ذيـب الشـاة اللـي تعـرم حبالـه
مدات حراً طالعاً فـي جلـى الصيـد = وصيده من الجزلات ما هـي هزالـه
ليا ما لقـى ضـانٍ كـرم بالمعاويـد = مخيمر بن مطلـق صبـي الجزالـة
راع الكرم والجـود بالفعـل ويزيـد = جعلـه لجنـات النعـايـم نـوالـه
رباح ومحمـد علـى كيـف ماريـد = المرجلـه مسـو مثـانـي حبـالـه
الماكـر الطيـب البـذرة مقاصـيـد = ومن جـث مـن خـوٍ تبيـن قبالـه
شيـوخ حـرب والكـرام الصناديـد = ذبيت عنهـم يـوم صـارت شكالـة
الطيب اليـا جيتـه يـزودك تزويـد = والعنضلـي مـا يقلبونـه عيـالـه
العفـن تـراه مـا يعـزك ولا يفيـد = شبيـه مـن دور بلـيـلٍ ازمـالـه
تـراه طيـرٍ مسكـنـه بالملابـيـد = وانبينـه للـي عليـهـم جهـالـة




[/poem]

اتمنا ان ترضي ذايقتكم لانها من القصائد القديمه