الله من دنيا شرقت بعلقها-حماد بن مريزيق
السلام عليكم ورحمة الله وبركاته
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الله مـن دنيـا شـرقـت بعلقـهـا =على مثل مـا قـال صالـح بـلاوي
اللـي بنـا سيـرة حيـاة ورفقهـا= مع جوهـرة تبقـى لمفتـي وراوي
يجني ثمر مظمونهـا مـن لحقهـا= اللي علـى كنـز الثمينـة شفـاوي
والا قليـل العـرف يكسـر حلقهـا =عنده ذهبهـا والنحـاس امتسـاوي
لو طب في سوق السلع مـا فرقهـا =عمى البصيرة طول عمـره عمـاوي
يـا منخـدع بكبـار الازوال ذقهـا= ما للثقـة عنـد المنافـق عـراوي
بنيـت قبـة ميـر هـدوا شنقـهـا= اللـي نظرهـم بالخلايـق سهـاوي
ناس(ن) على الغرّات ماحد(ن) سبقها= والنافلة مـا هـم لهـا بالحـراوي
يا ذيب هجـرس والمراقيـب وقهـا= تال الدهر حقـك غدابـه ضـرواي
وين الرفيق اللي هجوسـي رمقهـا= للمعرفة والصدق والطيـب حـاوي
عيد السمير اليا بـدت مـا فهقهـا= الواجبة فـي سوقهـا مـا يـراوي
حر(ن) ليا شاف العوالـي وسقهـا= شوفه يبـدل مـر وقتـي حـلاوي
يرفا خلل حـال(ن) زمانـي طرقهـا= طرق الهبايـب للشعيـب السنـاوي
مما صدف نفس الشقـا واعتنقهـا =بين العرب يا عيـد كنـي خـلاوي
اسبـاب دنيـا مـا يوقـع تفقـهـا =على الصقـور الا بـراس النـداوي
اشوفها يـا عيـد عميـا وصقهـا= تعـذر دواهـا الطبيـب الـمـداوي
جرد السنين العـوج حتـن ورقهـا= ما باقي الا الشـوك والعـرق ذاوي
الله لحكمـه بالخـلايـق خلقـهـا= يفرق بها مخطي ومقـدي وغـاوي
اللي جهل بطبـوع سلمـى عشقهـا =وزهد بها راعي الضميـر النقـاوي
يوم اعرضت له ما طمع في شبقهـا =قضـى حياتـه بالقناعـة غنـاوي
اصدق بشر في كـل جابـة نطقهـا= اللـي لهديـه يرجعـن الفـتـاوي
عليه اصلي عد مـا اشـرق نفقهـا= شمس النهار وعقبها الليل ضـاوي[/poem][/poem]
حماد بن مريزيق
آخر تعديل مثنى يوم
08-25-2010 في 03:20 AM.
|