قصيده مختاره في مدح القبيله اتمني ان تنال الاعجاب
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
عز القبايل مجدها دوم ينقال= وعز النوايا تقترن بالفعايل
وعز الحكي حرف" يكفي عن طوال= حرف" بربعي قام يكتب مثايل
حرب القبيله لا حشا حرب الابطال= وقفات شيمه فوق عالي المخايل
منهو يحدد مجدهم لا ولا طال= يفنى شبابه لو تعينه قبايل
من سارو النجمه تقطع به حبال= ومن رافق الحربي ينول الطوايل
منزالهم مرقى ومرقاهم جبال= والا اللحى مابلها ابدا رذايل
ولجل الشريعه ارخصو ارواح واموال= والدين ملبسهم وخير السبايل
حرب الأبيه عزوه لكل من جال= ينشد دواء للوقت والشك زايل
كل البلاوي تهون لو كانت اهوال= لن جت في سدة عزوتي والحمايل
حمالة اللي لا رمى ضيمه عقال= وثاقه اللي يعتدي بالعقايل
يشهد لها مجلس ونارا" وفنجال= والمستوي وسط القدور الهوايل
الحر الاشقر مسكنه قلب رجال= حربي ويده سيف وقت الجلايل
والجن الازرق لن ذكر حرب لازال= يطرد بليل" ماترده محايل
والشعر يقصر لو معانيه تختال=عن مدح حرب اللي لها البال مايل
مير القوافي نبع والحرف مدهال= يغرف من المعني البيوت الجزايل
وانا بربعي وعزوتي قلت الامثال= وأخترت من بكر القصيد الاصايل
ومايلام منهو دوم للحق قوال= لو دارت الدنيا ودارت دوايل [/poem]
-------------------------------------------------------------------------------------
قصيده في مدح القبيله ونعتدر لو وقعت اخطاء اثناء الكتابه
القصيده للشاعر /عبدالرحمن الحربي
آخر تعديل مثنى يوم
09-18-2010 في 08:30 AM.
|