لازاد همك واتعبت صدرك أحزان
وليا شتكيت من الليالي المعاسير
ارفع يدينك للولي عالي الشأن
ألي خلق هالكون بحكمه وتدبير
ارفع يدينك واسأله لطف وأحسان
وأبشر ترى الاحزان بتبدل بخير
أد الصلاة وصلها بكل الاركان
وحافظ عليها بوقتها دون تأخير
واسلك دروب الحق لو كان ماكان
واحذر تخالف او يجي منك تقصير
سبح بحمد الله على مر الازمان
واستغفره دايم ولو ذنبك صغير
اقر الضحى والغاشيه وآل عمران
واحفظ كتاب مكور الشمس تكوير
مايأمن الدنيا سوى انسان خسران
يندم ندم يوم الخلايق محاشير
احذر تطيع النفس او تطيع شيطان
واحذر دروب اهل الفلس والمخاسير
واذا غزاك الهم واصبحت حيران
استغفر الله واطلبه كل تيسير
وسلامتكم . . . .