[align=center]مرحبا بشباب المنتدى ولاتهون البنيااات

اوووول يوم ابوي وابوك صغار وانت ماتدري وين انت ايام البداوه يعني السالفه قديمه الي ابقولها لكم .

كان اذا واحد ذبح رجال (اي قتله) يرحون (اي يذهبون) ربعك جاهيه (اي واسطه) للمقتول ويحذفون الشماغ عنده ولا يشربون فنجاله لين يحققون مطلبهم ,,وهذاك يسمح ويعم الفرح:( ويرجع الذابح (مهو سعد الحارثي) الذابح الي بالقصه ويرجع مره ثانيه ويذبحله رجال مره ثانيه وربعه يرحون جاهيه وعلى هالموااال.....انتشرت الظاهره ذي وتطورت وتغير مسماها بناء على قرار مجلس الامن المركزي
رقم 500 تقسيم 3 الصفحه الثالثه من دستور شدلي واقطعلك
الى مسمى الواسطه وعند اهل الخير الى شفاعه والهدف واحد بس تخبر لازم
نغير المسمى عشان يتوافق مع الشريعه الاسلاميه المهم مانتعمق كثير ...

المهم تروح تراجع دائره حكوميه وليست اهليه لان الاهليه تمشيهم بخشم الريال
(بنك مستشفى اهلي الخ..) اما الحكوميه هناك نصائح لازم تعرفها قبل ماتروح اولها مثلا تبي تراجع الجوازات كمثال اول شي تراجع الاسماء الي بجوالك تشوف من الي يشتغل بالجوازات من خوياك عيال عمك واحد من جيرانكم واحد يعرف واحد بالجوزات اين كان المهم تدبر نفسك.

فرضا مالقيت وش تسوي ؟؟ فكر فكر
الحل ..
1 / لا تراجع اي موظف يوم السبت الاخلاق على راس خشمه .

2 / من الساعه 9 الى 10 فطور ومن 12 الى 1 يجيب ورعانه من المدرسه.

3 / اي موظف تجيه هو الفاهم بس انت يالمراجع ماتعرف شي عشان تمشي امورك.

تعطيهم معاملتك المراجعه بعد شهر وهي للاطلاع فقط دون اصدار قرار>> طبعا القرار متى يجي ؟؟؟

اعلمك متى يجي تروح لسوق الواو (الواو من احرف الهجاء ميزه العرب قديما وعظم
في العصر الحديث وسوف يخلد في المستقبل) طبعاٌ السوق طبقات على حسب وجاهتك بالمجتمع
واو الي بمكالمه يخلص اي شي

وفيه واو برساله

وفيه واو اسمه من طرف فلان (الي منتشر هالايام )

وفيه واو ابو ريالين يطامر معك بعض المرات يصيب واكثرها يخيب

واشتر واحد من الواوات وتخلص معاملتك على حسب واوك .

وانا اشور عليكم نجمع فلوس ونروح نشري واو ابو مكالمه عشان وانت بالبيت تخلص امورك ..
طولت عليكم بس وش اسوي كل الي كتبته بسبب جلستي قبل شوي مع مدير شؤون الموظفين . والخافي اعظم
[/align]

مشكور ياعصي الدمع على التوقيع