بســــم الله الرحمــن والحمـد لله
والشــعر مـا نشريـه ولا نبيــعه
واللي قصيده ما يــشرفه مبـداه
ما هو مكلف شي ما يستطيعه
والقاف من مبداه معروف معناه
المدح سنه في القصيد وشريعه
سلام يا شيخ على العز ممشاه
عــامـر سـويلم و المكانه رفيـعه
لاعدو اهل الطيب والعرف والجاه
محسوب ابو طالع براس الطليعه
بالهون يا طامع تسوي سواياه
الله على الجـزلات فــارق صنيعه
جينا محـــله والقصــور المبنـاه
مجــالسٍ تشبه لصـدره وسيعه
مدهال لوجيــه الرجال المسماه
نـدر طـرايفهم ما فيها هزيعـه
ماخاب ظن اللي تعزوى بشرواه
والجود يبقى في الليالي وديعه
ويا طيب ابو نادين من بعد ناداه
عوده وقف له بالوفاء راس ريعه
حيا نــدا فــي وقـفته كنـه ايــــاه
قال انتهى الموضوع قلنا طبيعه
ما يصلكم رجلٍ ويرجع على هاه
ابشر وسم سلوم ماهي ذريعه
ساطـين قبل اليوم يـوم المثــاراه
طبعٍ قـديم مقيم ماهو بـديعه
لليوم يزهى الفعل والفعل يزهاه
اهل العقول الراجحه والنفيعه