كلمة سلام
<<< هذه قصيدة لشاعر الوصف لافي بن حمود الغيداني وان شاء الله تعجبكم
تحياتي >>>
[poem=font="times new roman,6,indigo,normal,normal" bkcolor="burlywood" bkimage="http://jlede.com/vb/mwaextraedit2/backgrounds/7.gif" border="inset,4,green" type=0 line=0 align=center use=ex num="0,black""]
كلمة سلام وصبـاح الخيـر كثرهـا=ترا لها وقعها فـي نفـس مجنونـك
ودي تروووح وتجي حتـى تكررهـا=ماامل منها ولامـن مشاهـد عيونـك
عيونك اللي قلـوب النـاس تآسرهـا=من شافها تفتنـه ويصيـر مفتونـك
موتي وانا حي يستوطـن محاجرهـا=مابيني وبينـه الا (غمـزة) جفونـك
جابتك لي صدفة ٍ مدري وش آخرهـا=وانا تركت الجميـع وقلـت ممنونـك
سلمتـك الـروح تنهاهـا وتامرهـا=ياللي خوانك على زينـك يحسدونـك
لك صورة ٍ برهنت عظمة مصورهـا=عجزت اوصفك واتخيلك وش لونـك
لـك هيبـة ٍ ماتخلينـي اناظـرهـا=ارفع لك اشوف مير يطيح من دونـك
ابطيييت وانا المشاعر عنك ساترهـا=وانته تبختر وتاخذنـي علـى هونـك
واليوم جتك المشاعر هي وشاعرهـا=متقاسمين الوجل وش لون يرضونـك
كلي أمل ماتجـي مكسـور خاطرهـا=وانا اوعدك ماتخونك فيـه إضنونـك
والا اعتذر ورفض الاشوااااق وانكرها=وارتح وخله يزووود هباااال مجنونك
[/poem]
|