الــسلامـ عـليكمـ و رحمــة اللـه و بـركــاته

أســعــد اللــه مــســاءكمـ بالــخـير و المــسـرات

قصــيـدة عظيـمـه للـشــاعـر بــدر الــظـاهـري




تطير القصايد شوق لاهزهـا الموضـوع

تسابق تطير وكل وحـدة ورى الأخـرى

ترى ما يلام الشاعـر التابـع المتبـوع

اليا جا بييكتب حـرف بالمملكـة وازرى
عظيمة ولاجت في سوالف وضحك اربوع

عظيمة ولا جت صف يمنى على يسـرى

عظيمة ولاجت في عطى والعطى مشروع

عظيمة ولاجت في ذهب قيصر وكسـرى

عظيمة وجت باللي يقص ويطوع طـوع

من يدين من ضرى الليالي على المسرى

سرى ليلتن ظلمى ما غير الحكي مسموع

سرى ليلتـن لا نـور فيهـا ولا قمـرى

سرى مامعه إلا التعب والسهر والجـوع

سرى ما معه إلا رجالن تفـك اسـرى

وجا للرياض وبيرقـه بالسمـا مرفـوع

بعد ما اجبر السيف الحدب يكتب ويقرى

دخلها معه سيفن وشلفـا بـدون دروع

لا ما شهد تاريخهـا تشهـد الصحـرى

يقولون صعبة صعبتن مثل حـب الكـوع

لاكن تبي تضرى وغصبن تبي تضـرى

فتاتن بكت مرة لأجل عقدهـا المقطـوع

وجاها وهي فـي سالفـة عقدهـا ادرى

واخذها ولبسها الرخى والبـلا مدفـوع

عظيمـة ولا تتقبـل البيـع والمشـرى

بطلها ابو تركي ولاهي حديـث اسبـوع

لنا فـوق ميـة عـام بكتابهـا نقـرى


ودي و تــقــديرى ،،