الحويفي لولا خوة الجلاديه لترك المقناص قصيده ورد
هذه القصيده للشاعر بدر بن عواد الحويفي وهو شاعر غني عن التعريف ولقد عرف عنه حبه للطير والمقناص وله العديد من القصائد بهذا الغرض
ولكن نجده هنا يعلن :
انه لولا خوة الطيبين لتركت المقناص والطير بعدما كبر سني وقصر نظري .
وهو يقصد بالطيبين :
ابو ذياب (حباب محمد بن ثواب الجليدي)
خالد (خالد محمد بن ثواب الجليدي)
وهما رفيقا دربه في هوايته
اترككم مع القصيده وردها
يقول الحويفي :
[poem=font="times new roman,6,black,normal,normal" bkcolor="transparent" bkimage="http://jlede.com/vb/mwaextraedit2/backgrounds/15.gif" border="solid,4,black" type=1 line=0 align=center use=ex num="0,black""]
والله يالولا خوة الطيبيني = يالطير ما اشقابه ولا اقضب سبوقه
الموجب ان الطير وينه و ويني = من يوم لبسني صدى الشيب طوقه
اول حواسيسه قصر شوف عيني = وضعف الجهد والجسم كثرت رهوقه
وغديت بالخوة كسول ومهيني = لولا النشاما صرت معهم علوقه
ابوذياب مدله الغانميني = وخالد يكمل مع خويه حقوقه
انجال عود" يوم عجف السنيني = نفسه لميدان المراجل عشوقه
ابن ثواب مكرم الجايعيني = يوم الكرم ماكل رجل يطوقه
عساه بالجنه مع الفايزيني = وروحه عن انواع العذاب معتوقه
حيثه حليف المجد دنيا وديني = وانجب رجال ناهجين طروقه
على الشرف والجود متكاتفيني = بذر الحمايل ثبت الله عروقه
مكارم الأخلاق فيهم تبيني = والرجل يعرف من مزاجه وذوقه
مدحي لهم رغم" على الحاسديني = واثبت كلامي من مصادر صدوقه
يفداهم العفن البخيل الذهيني = اللي على السفره وساع" شدوقه[/poem]
ورد عليه خالد محمد بن ثواب الجليدي بهذه الأبيات
[poem=font="times new roman,6,,normal,normal" bkcolor="transparent" bkimage="http://jlede.com/vb/mwaextraedit2/backgrounds/15.gif" border="solid,4,black" type=1 line=0 align=center use=ex num="0,black""]
مشكور يارع الكلام الثميني = كلام" احلى من لبن در نوقه
من تاجر" بالعرف عقله رزيني = وزين المزايا بالضماير تسوقه
يقطف زهور اشعار من كل زيني = ويختار من زين المعاني عذوقه
وله ماقفن دون القبيلة يبيني = عوق الخصيم ليا تعدى يعوقه
قافه مثل شلف" تقص الوتيني = مضرابها صعب" تلايم فتوقه
ويشهد لي الديوان والسامعيني = واللي يعد الصدق زانت وفوقه
ومع الخوي والله مانته مهيني = تكمل المطلوب وتزود فوقه
عشرة سنين بخوتك مهتنيني = يقضي سفرنا في وناسة وروقه
لو كان يحسدنا عدو" بطيني = خافي ضميره بيننه حلوقه
لكن ابو سلمان عضدي يميني = وشعيل يلقى حصته في ريوقه
وتسلم لنا يامدله الزايريني = يابن الحويفي طيبكم من عموقه
ولك لابة" تجلى الهموم وتعيني = عدوهم سم الافاعي يذوقه
وصلاة ربي عد وبل الغشيني = على الذي من عاهده مايبوقه[/poem]
آخر تعديل نمراوي يوم
08-16-2010 في 06:17 AM.
|