بسم الله الرحمن الرحيم

الى كل اعضاء منتدى الجلاديه

السلام عليكم ورحمة الله وبركاته

اقدم لكم هذه القصيده الإجتماعيه الدعويه الإرشاديه التي سطرتها من اعماق قلبي لكل محب وصديق سواء من ابناء قبيلتي او من خارجها
واتمنى ان تحوز على رضاكم
وهي اول مره تنشر لأنها جديده وحصريه لمنتدى الجلاديه هدية مني
والقصيده تقول..........

ياصاحبي عندي كلام أقوله والسبه غلاك== أبغاك تسمع كلمتي ولابه لزوم تردها
ترى النصيحه يارفيقي تعتبر فعل يمناك== يعني لزوم تنتبه في وقتها وفي عدها
النفس مجبوره على توريد صاحبها الهلاك== ومسكين من هو قادته نفسه على ماودها
إربط حزام الخوف من ربك ولا تنظر وراك== وترى نهايات الحياة مايندرى وش حدها
قم صل وزك وحج وصم والكل بوقتة لالفاك== وهذي تراها تعتبر اركان دينك بدها
والسنة العظمى تراها فرحة امك ثِم اباك== يعني رضى الله من رضاهم والعقوقه ضدها
والجار لو هو من ديارالهند وديار العراك== له إحترام وطيب منك ملزومٍ انت بمدها
واحذر حقوق الناس عندك أوفها والله معاك== والله غفر كل الحقوق ماعاد هذي لدها
اوصل رحم وافصل لحم وإعزم واكرم من بغاك== وإجمع رجال الدين في حلقة ذكر ثم غدها
واختار من زين البنات الدينه تربة يداك== لاصرت تطمح للمعالي شدها من يدها
وإعلم ترى صدق الكلام ينجيك من شي يخفاك== والكذب له قصر الحبال ولايجي في قدها
هذي نصيحه قلتها وانت بكيفك وبهواك== لأنت مغصوب بأخذها ولافيه غصب تصدها
وإختامها ماقول غير يالله عسى نكسب رضاك== ونفوز في حوض النبي والفوز للي وردها

وسلامتكم