|
|
|
|
|
|
|
|
|
|
|
|
|
|
|
#1
05-26-2010, 07:01 PM
|
|||||||||||||||||
|
|||||||||||||||||
يوم مرَيت عابر مع طريق القصيم
الســـــــلأآم عليكم ورحمة الله وبركآته ㄨ مسآئكم معطر بريآحين الزهور قصيدهـ نآلت على إعجآبي أطرحهآ هنـــآ لعلهآ تحوز على إستحسآنكمـ ㄨ ضاق صدري نهارٍ شفت وجه اليتيم بعد ما هادم اللذَات غيَب هله يوم مرَيت عابر مع طريق القصيم شْفْتْه ولا لقا اللي بعدهم يكفله ايتهشَم وانا ماحب صوت الهشيم حيث قلبي جروحه باوَله واسفله وحرَك الهاجس آثار الخراب العظيم واحتمى للعقايب والهنا كنَسله اللَغم لا نفجر خَلا االضَحايا حطيم و البراءة ضحيَة زارع القنَبلة يا هبوب الشمال ويا براد النَسيم مونسٍ فالضماير جمر في مشعله بعد ما كنت من سمَ العقارب سليم باجمل ايام عمري ذا ك كان اوَله صار لون الظَهيرة : لون بشت الحريم والسما فوق مجهم // والوطا موحلة لا عضيدٍ يساند .. لا .. ولا به رحيم كان حمل الجمل عيَا الجمل يحمله !! ذا زمان الفتن والشَر : ( سينٍ وجيم ) مالقينا جوابٍ يقنع الاسئلة !! والمسائل زواياها : نصيب الغشيم !! قاسها دون فرجارٍ ولا منقلة والشحيح البخيل ايذَم كفَ الكريم وانعدم منطق التفكير فالمشكلة !! والبلاوي تدَلت مع بْلِيس الرجيم جات تمشي تبهرج بالفتن مقبلة الحقيقة : سلالة // والقضيَة : عقيم وضعها تحت قفل التاج والسلسلة أه وا وجد حالي يالزَمان القديم يوم كل الوحوش السعَر امعقلَة كيف نعرف مسار المخرج المستقيم ؟؟ والسما لا نجوم // ولا هنا بوصلة وكيف نامن جنابك : ( يالعذاب الوخيم ) ؟! دام ما للتَسامح عندنا جدولة وكيف ننسى حضورك : ( يا زوال النَعيم ) ؟! دام شكر الفضايل قومنا تجهله يا هبوب الشمال ويا براد النَسيم افزعي للخفوق .. النَار به مشعلة بعد ما شفت دمعات الغلام اليتيم جدَد الجرح // والصدر الوسيع ازعله ㄨ 
|
|
05-26-2010, 07:33 PM
|
#2 | |||||||||
|
عضو مميز
|
مشكور بصراحه ماقصرت ويعطيك العافيه علا ها الماضيع الحلوه
مشكور مشكور مشكور مشكور مشكور مشكور مشكور مشكور مشكور مشكور |
|||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض المتطور
