قصيدة محمد بن عباد السلولي بقبيلة حرب

يقول السلولي يوم غنا وباله طرب
بعد وصل ديرة حرب من دار شهراني


سلامي على لافي سلام الوفا عن قرب
سلامٍ يليق بقدر خطلان الايماني



وعلى كل غيداني وساير قبائل حرب
هل الطيب والناموس من ماض الازماني



هل السيف وأهل الخيل ومفرجين الكرب
لاجا للرمك عجه وللملح دخاني


ومن جالهم تقدير من شرق ولا غرب
وشمال وجنوب وكل من جالهم عاني


وانا مادهشني مثل شعاركم ياحرب
شربتوا بحور الشعر في كل ميداني


ليا قلت هذا الشاعر اللي شربها شرب
طلع كل واحد منكم اعبر من الثاني


لو الشعر يؤخذ كان قوم عليكم حرب
على سالم ومسرح سيقً الاضعاني


لو إن لمحارب مايحصل عليكم درب
يعود عن الطمعات عايف وخسراني


ملكتوا اللسان اليعربي والكلام الذرب
مثل ماملك فوق البسيطة سليماني

يعطيك الف الف الف عافيه