قصتي وقصيدتي بالحويطات من تبوك مع الرد

منذ فتره ذهبت لمنطقة تبوك وجلست بها مايقارب عام كاملاً (عمل)
وتعرفت على اشخاص من الحويطات وبالخصوص الطقيقات منهم والمشاهير بحكم انهم جيران (ونعم الجيره) فلم اجد منهم الى كل علم غانم ولزمو علي اجيهم في ديرتهم بالخريبه بحكم القنص والمسيار وكانت ديرتهم الخريبه تقع بين ضباء=== والبدع وحقل فأجبت الدعوه
فوجدت من اعيانهم وشيوخهم كل ترحيب وتكريم فحسسوني انني بين اهلي وناسي فنعم الرجال ونعم المواقف التي شاهدتها وسمعت عنها وبعد مارجعت الى تبوك قلت هذه الأبيات عنهم



ابدي كلامي بالشكر والتحيات== لقوم لها بالقلب حشمه وتقدير
قومِ لها التاريخ سجل علامات == وحازت مراكز عاليه بالأساطير
ياناشداً عنهم تراهم حويطات== وما ظنتي يجهل بهم غير دشيير
هذا بني مشهور وذولي طقيقات == احفاد حرً بالمراجل مشاهير
بالجود والنخوه وروس الطويلات == حطولهم نيشان بليا تعاسير
اهل النفوس الصافيه والخفيفات == واهل العقول المذهله بالتدابير
اهل الكرم والطيب بالمستحيلات == يثبت وجوده من أييآت تقصير
لو مات شايبهم بذكره فلا مات== عقب لهم سمعه عظيمه وتيسير
علمي وكاد وكل علمِ له اثبات == مايدخله شك ولا فيه تزوير
وماظن يرضي خاطري كثر الأبيات == وإلا كتبت ابيات اكثر من الغير
أقولها صادق ولا لي ملذات == خوه بلياهم ترآها مخاسير
وصلو على الي له عظيم التحيات== اعداد ماهب الهواء وغرد الطير
المصطفى وفيه المواقف عظيمات==المنذر من الشر والداعي بخير








والرد من الشاعر\ ابراهيم بن فريج المشهوري الحويطي
ويقول فيها

ياراكب فوق حره منقات == تلفي على غازي زبون المناعير
تاخذ سلام من رجال الحويطات == احلى من السكر ودر المغاتير
قال الحويطي من ضميره كلامات == تاصل لمن هو سمر القاف تسمير
جاني كلام مزرف بالجوابات == من واحدِ شيال حمل المظاهير
من ساس ربعِ ينطحون المغيرات == لاصار في الميدان عج ومعاصير
ربعاِ لهم بالمجد صوله وجولات == لاصار روس الشواهق سوايير
يشهد لهم تاريخهم بالكرامات == من عهد ابوعنتر وسالم الزير
ياحرب يأهل المهار المغذات == في ساعة واللاش يطرد عن البير
انتم هل النوماس وأهل الشهامات == أقولها ويشهد بها روق ومطير
يشهد بها شمر وتشهد شرارات == والي سكن في نجد والي ورا سدير
وتشهد لكم قحطان هم والعطيات == والي فتح لحجازها بالطوابير
افعالكم ياحرب ماهي ممارات == أقولها واقرر العلم تقرير
ياحرب يوم الليالي سنيات == ترسو كما ترسو كبار البوابير
ياحرب يوم المكايل قليلات == يامعشيين الضيف من غير تدبير
وصلو على المختار راعي الشفاعات == إعداد ماهلت مطرها شخاتير

والله قصيد يبيض الوجه ويستاهلون الحويطات

كانك داري ان مديري بالعمل من الحويطات ابطبعله القصيده عشان يوقع لي الاجازه ههههه


وانت تستاهل لقب ( سفير الجلاديه )

صح لسانك وقصيده جزله أن أشهد أنك جملتنا يأبوعبدالله والحويطات يستأهلون..

بيض الله وجهك ماقصرت وصح لسانك وصح لسان المشهور

يعطيك الف عافية قصيدة جزله من شاعر جزل
صح لسانك يابو غازي

صح لسانك انا اشهد انك شاعر

من يريد اهل الوفاء يشمل شمال ,،،, يترك العالم ويسكن في تبوك

الى كلاًمن الأخوه
هادي بن عامر
احمدالجليدي
ابوتركي
علي بن هليل
سويلم ابن غويزي
شامخه بديني
اشكركم على مروركم المتواضع
وصحة ابدانكم جميعاً