الشاعر حمود بن سعد الجليدي

بسم الله الرحمن الرحيم

وعدتكم بالجديد من قصائد والدي حمود بن سعد الجليدي حفظه الله وها أنا أوفي بوعدي لكم فهذه القصيده كتبها والدي أطال الله بعمره في مدح أخيار الرجال حيث يقول :

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
بقول وأمدح كل رجــل(ن) سنافـــــي = الشعر يمدح بـــــه أخيار الرجاجيل

رجــــال فيهم الطيب بين يشافــــــي = ماهــم هل النمات والــقال والـقيل

أمدح زحول رجــــال ماهـــم الضعافي = إيـــــو الله أمـــدح مبعدين المناويل

عقل وثقل عريّف ماهـــــــم خفافـــي= علومهم جزلات ماهــــــي ثـــراميل

أسج معهم دام حـــــي متعــــــافـــي = هاذي طرات العمر يابن الحــلاحيل

وأقول فيهم من جــــزال القــــــوافي = قوافي(ن)تنقى عن الهزل والمـيل

أصبها صب الذهـــب بالمــــصافـــــــي = من شان لمرّت سموع المشــاكيل

تعجب سموع أهل القــلوب النظافي =اللي ترحّب بالرجــــــــال المــقابيل

وأشفق على الرجل الرزين الثقافي = سوالفه حكمه ماهــــي تمــــــاثيل

ماتلحق المجـــــلاس معه الحسافي = إلــــــيا بداء والا بديت التـــــــــعاليل[/poem]

حمود بن سعد الجليدي