|
|
|
|
|
|
|
|
|
|
|
|
|
#1
08-31-2010, 08:10 AM
|
||||||||||||||||
|
||||||||||||||||
![022[1]](images/icons/022[1].gif){kind=icon}
يأ هـالميآآنه اللي ذبحتنآآآ
الموضوع اليوم يتكلم عن كل اخ وعلاقته مع اخوه ...وكل اخت وعلاقتها مع اختها... فالوقت هذا ماعاد فيه أحترام بين الأخوان...ويمكن تحترم صديقك او صديقتك اكثر من اخوك او اختك... والسبب مجهول... تستحي من رفيقك ولا تستحي من اخوك...وتستحين من رفيقتك ولا تستحين من اختك... يعني مثال لاصار عندي صديق وافي...قلت فلان والله انه من حسبت خواني... الحين نبغي نعكس الموضوع نبي نقول اخوي والله انه من حسبت اعز ربعي... الأحترام والتقدير...ضايع بين الاخوان...تحت شعار الميانه...طيب مافيه مانع تكون ميانه بيني وبين اخواني بس وش يمنع اني احترمه ان كان اصغر مني ولا اكبر مني... وامس انا معصب على اخوي وكله من سبب الميانه... أخذ سيارتي العصر وانا راقد وقال عندي مشوار مع عيالي ...وراااح على سيارتي هو و بزرانه المتوحشين... طبعا هو رجع اخر الليل وانا كنت في البيت مارحت مكان...وقمت اليوم الصبح ورحت وركبت سيارتي ولقيت سيارتي معفوسه فوق تحت...مصاصه طايحه على المرتبه ولازقه...والبطاطس في كل مكان...وفيه عصير منكب على الطبلون ابغي اعرف شلون ولده وصل لطبلون السياره وشلون كان يسوق...مدري... عصبت ومسكت اعصابي...ومن القهر يوم فتحت الدرج لقيت لي جلكسي مفتوح طيب ليه وش هالنذاله في عيالك يحطون جلكسي مفتوح وسط أوراقي... مدري وش اقول... رجعت ودخلت الصاله افطر واشوف التلفزيون ...وجا اخوي المتهم وقعد جنبي وكآن ماصار شى ...قال ترا فيه عصير منكب على المرتبه اللي ورا في سيارتك... فكرت فيه وقلت اهم شي انك نايم من البارحه ولا انشغل بالك على مرتبة سيارتي... قال وش بلاك تقط نغزات... قلت انا عندي سؤال واااحد...جا يبي يتكلم قلت سؤال واحد...قال وشهو... قلت لو انك ماخذ سيارة واحد من ربعك ...بتردها له وهي فالحاله هذي...يعني هو مسوي فيك خير ومعطيك موتره وانت ترد له الموتر معفوس... قال أكيد لا...حطو تحتها خطين [ أكيد لا ]...قلت ليه طيب... يعني انت بتستحي من رفيقك اذا أخذت موتره وتحافظ على موتر رفيقك ولا تحافظ على موتر اخوك... قال انت اخوي الصغير وامون عليك وعاادي مافيها شي...يعني مافيها شي مع اخوك وفيها شي مع رفيقك... ونفس الحكايه مع البنات...لو فيه بنت أخذت لها فستان من اختها وراحت فيه حفله..ورجعت للبيت والفستان انشق طرف منه...وش بتسوي بتقطه على اختها ومدري بتقول مشكوره ولا لا ولو هي ماخذته من رفيقتها بتروح وبتوديه الخياط وتعدله وترده مثل ماكان...تستحي من رفيقتها ولا تستحي من اختها... حتى في أسلوب الحديث مع ربعك غير من اسلوبك مع اخوانك... رفيقك تداري عليه من الكلام اللي ماله داعي والتجريح...لكن اخوك عااادي تعصب عليه وتوصل انك تسبه...على اتفه سبب... انا مابي العلاقه تكون رسميه مع كل اخ واخت...ورافض الشي هذا ان الرسميه تكون موجوده بيني انا وخواني...لكن الأحترام واااجب...واذا أحترمت الكبير وتقدر الصغير انت تسوي الشي هذا لنفسك ماتسويه عشان أحد... عشان كذا كل واحد يعامل اخوه مثل مايعامل رفيقه.. >>>>>>شاركوني الرأي ،، كيف علاقتكم مع اخوانكم ،، وكيف تبونها تكون<<<<<<< 
 مآعآد لي خآطر اليؤم في شئ...! بس الوكآآآد أني بسجل خرؤؤؤجي .gif "(45)")
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري