الشاعر الكبير محمد العسيلي ( رحمه الله ) يرثي نفسه قبل شهر تقريبا من وفاته

بسم الله الرحمن الرحيم
السلام عليكم ورحمة الله وبركاته
الشاعر الكبير محمد العسيلي ( رحمه الله ) يرثي نفسه قبل شهر تقريبا من وفاته
حيث كان يرحمه الله حاضر مناسبه عند العمده مفلح ناصر الفريدي وانا كنت من ضمن الحضور
وطلب منه مقدم الحفل حسن سمير ان يقدم قصيده وقال انا ماعندي الا قصيدة غزليه جديده
اذا تقبلو بها فالمقدم مع انه ماهو مصدق لاكن قال نقبلها منك يابو عبد الله . ثم قال القصيده لانه توه مسويها ولاحد سمعها قبل هذا اليوم. ثم قال هذه
آخر قصيده للمرحوم وقد قالها قبل شهر تقريبا من وفاته (رحمه الله ) تحدث فيها عن الموت واليوم الاخر ويطلب من الله عزوجل المغفره والثواب
واسمحو لي ان اتحدث عن نبذة صغيره عنه.
يعد الشاعرالمعروف محمد بن عبدالله العسيلي الذي أنتقل الى رحمة الله يوم الاربعاء 26/1/1425 هـ إثر حادث مروري .
على طريق القصيم المدينه السريع ودفن في محافظة رياض الخبراء .. والشاعر محمد العسيلي .
من المراوين من مزينه من بني سالم من قبيلة حرب ولد في بادية نجد بضواحي القصيم
في عام 1360هجري بدأ حياته العمليه في عام 1378هجري بالخدمه العسكريه وحصل
على أوسمه تقديريه واكمل العديد من الدورات الدراسيه أثناء خدمته واحيل للتقاعد عام 1412هجري وتفرغ لاعماله الخاصة
والعسيلي شاعر له أسلوب مميز يذكي الشراره في المعني رصين العباره قوي الالفاظ رزين في المنطق؟
يجبرك على إحترام الشعر،لشعره الذي له طابع خاص ومميز صاحب حجه في الشعر والكلام .



[poem=font=",6,blue,bold,italic" bkcolor="white" bkimage="http://jlede.com/vb/mwaextraedit2/backgrounds/8.gif" border="inset,4,red" type=0 line=0 align=center use=ex num="0,black""]

النـاس نامـوا وأنـا العـبـرات أجاذبـهـا=جذب الدلي مـن معيـن وردهـا إحيامـي

بـيـديــن بــــدو مـشـافـيـح تـنـاهـبـهـا=في نقضت الجزو والماء وردة إزحامي

اشــوف وانـكـر مــن الدنـيـا مذاهبـهـا=تضرب بنا أمواجها في بحرها الطامـي

يـاكـثـر روعـاتـهـا وقـســوة تقـلـبـهـا=ومـا طـاب فيهـا مـن الاحـوال مادامـي

اللـي مـن أول أركوبـه فــوق غاربـهـا=ماحصـل أردوفـهـا والمـشـي درهـامـي

تستـدرج أهـل الأمانـي فــي مكاسبـهـا=لكـن هيهـات تصـدق فيـهـا الأحـلامـي

ومـن صـدق الريـح واعيونـه يكذبـهـا=كـنـه يـقـارن غـبـاه بفـرصـة الـرامـي

تــمــر الأيـــــام مـاكــنــي مـجـربـهــا=مـن تضحكـه يـوم يبكـي باقـي العـامـي

يالله يالله تــكــفــيــنــا نــشــايــبــهــا=ياواحـد عــن قضـايـا الخـلـق مانـامـي

يـاعـالـم غــيــب نـفـســي لا تـعـذبـهـا=وتجعـل لهـا حجـه مـن نـور الإسلامـي

نفـس ماباقـي لـهـا إلا شــوف طالبـهـا=والمـوعـد المنـتـظـر تـدنـيـه الإيـامــي

لــنــا مـواعـيــد مـانـقــدر إنـجـنـبـهـا=توقيتـهـا محـكـم فــي وقـتـه إحـكـامـي

تـــرم المـنـايـا ولاتـخـطـي مضـاربـهـا=ومـن صوبتـه سهـوم المـوت ماقـامـي

سـاعـة حـيـات إلـيـا وقـفـة عقـاربـهـا=الـروح تصعـد ويبقـي جرحـي الـدامـي

والـمــوت ماتـصـلـح ارواح يـخـربـهـا=ابـا أتـرك الـزوج والأطـفـال الأيتـامـي

يالـوعـة النـفـس مــن فـرقـا حبايبـهـا=ومـن طـول فرقـا تعثـر فيهـا الأقدامـي

لابــد مـــن رحـلــة مـايـعـود غايـبـهـا=وعـن الحقايـق تـوارى كـل الأوهامـي
مـعــي الـوثـايــق مـخـتـمـه قـوالـبـهـا=وأخـاف مـن نقـطـة التفتـيـش قـدامـي

فـي مفتـرق طريـق ياكـافـي مصايبـهـا=أحـد الطريقيـن واحـد منـهـن إلـزامـي

إمـا مــع أهــل اليمـيـن وعــز جانبـهـا=ولا مـع أهـل الشمـال وشرهـا الحامـي

رحـمـاك رحـمـاك يـامــذري هبايـبـهـا=يـا وامـر المسلميـن بوصـل الأرحامـي

دعـــوة طـريــح الخـطـايـا لا تخيـبـهـا=أنـا ضعيـف الوسايـل والهـدف سامـي

إليـا وردت النفـس ناضـبـه مشاربـهـا=يالله مـن شربـة تقـطـع ظـمـا الظـامـي

واجيرنـا مــن الجحـيـم وحــر لاهبـهـا=وانت الذي من لجا بحماك مـا يضامـي[/poem]

رحم الله شاعرنا الكبير محمد بن عبد الله العسيلي الحربي وأسكنه فسيح جناته