مواقف رجال حرب وعتزازه بقبيلته. قصه وقصيده

مواقف رجال حرب هذى قصة الد يحاني مع ابن طواله.
ضيف الله بن محمد بن درباس الديحاني الوهبي ( يرحمه الله)
توفي عام 1405عن عمر يناهز 90 عاما
اما القصة فتاريخها 1370هجري وهي تدل على اعتزاز الشاعر بقبيلتة وصدق وفائه لهم
وهو عندما حل بديار شمر وعند ابن طواله شيخ الاسلم وكان دوار لا ابلة وهو ذو معرفة بهم سابقه
المهم الرجال جلس عند ابن طواله وكان عندة مجموعة من الرجال حاضرين مناسبه واخذوا يتكلمون عن حرب كلام غير طيب واخذا بالاستماع لعل يجد من ينطق الحق ويطلب منهم الكف عن هذه القبيلة ولكن استمروا بذلك دون ان يدرؤ مشاعر هذا الضيف الي هو(ضيف الله)
وقال يابن طواله
انت وجماعتك تتكلمون عن حرب من اليوم اسمحلي ابا اتكلم عن حرب قال اركب حصانك واطلق السانك لانه يعرف ان ضيف الله وهبي
ضيف الله الله يرحمة ذكي وعرف ان قال مايزعل شمر انه سوف يضرونه فلتفت لااحد الرجال والذي يعرف انه من الرجال(اللي عليهم العلم) اذا قال كلمة ثنا دونها حتى ولو قالها ابن طواله
قال اذا فلان حطني في وجهه علمتك فقال له الرجل انت بوجهي ياوهبي هات ماعندك .فقال :-




[poem=font=",6,darkblue,bold,normal" bkcolor="transparent" bkimage="http://jlede.com/vb/mwaextraedit2/backgrounds/6.gif" border="inset,4,darkred" type=0 line=0 align=center use=ex num="0,black""]
ذكرت ربي وانخـزى كـل شيطـان=وابديت ذكـر الله علـى الأجمعينـي
الي رفع سمك السماء بغيـر عمـدان=الواحـد الـي مـا لملكـه وزينـي
وعلى النبي صليـت للـرب سبحـان=سبحان عالم ما خفي و مـا يبينـي
و ركبت منجوبة على بنـت شقـرانبنت الشـراري لاصلهـا حافظينـي
غير الركايب بأصلهـا سبـع قعـدان=عسفت رباع وطبعهـا صـار زينـي
جمل عبكلـي واللحـاوي و همـلان=ترضع رضيع حيران مـع جولتينـي
مرباعها بيـن الصـداوي وفيحـان=مع نشـر بـدو بالخطـر مرتعينـي
وركابها مـن عندنـا مـد عجـلان=ممشـى ثمـان أيـام لـه ليلتينـي
وان روحت مع خايع عقـب مرجـان=هريف ذيـب عـن كـلاب القطينـي
هجيج ربـدا يـوم تلفـح بجنحـان=حـط الطليحـي والبعيثـة يميـنـي
تلفي على بيت السخاء فيـه ديـوان=تلقى اهل المعـروف بـه جالسينـي
الـي مناختهـم تقـل حـرث فـدان=البـن يحمـس والمقهـوي فطينـي
يجذبك صقـع نجورهـم قبـل الأذان=كـل يقـول لضيفـكـم عازميـنـي
وصينية تلقى بهـا أذنـاب خرفـان=مـن ميـر ابـو جـلال للغانمينـي
سلم على اللـي للعـدو سـم ديبـان=خص الأميـر وربعنـا الحاضرينـي
عقب الفروم الي على الخيل فرسـان=شريـدة الفرسـان حبـس الكنينـي
خلو حوامـي خيلهـم لبـو سلطـان=طير الحبـارى يعجـب القانصينـي
يلفح بجنحان السعـد طيـر حـوران=يقـدى الجمـوع ويـورد الهايبينـي
عز أهـل التوحيـد لا خـان بوقـان=مضـراب كفـه فـي عـدوه يبينـي
على الأصايل طوعـوا كـل فسقـان=فعل مضـى وانتـم لهـم خابرينـي
ضف الدويش ولابته وابـن عشـوان=ودارت عليهـم دايـرات السنيـنـي
مع طرش علوى ضف واصل و جبلان=كونـه صبـاح والعـرب منذرينـي
ولـى محارمهـم وزينـات الألبـان=أغنـى الفقـارى وأفقـر المغتنينـي
عبى لهـم صـم الحوافـر بالأكـوان=وعليهـن الـى يوتمـون الجنينـي
ردوا دبشهم بالشـرى تقـل حيطـان=شبعوا بـه الأخـوان والمشركينـي
لو لا الامام الي هـدم قصـر بـرزان=الله يمـتـع بــه لهالمسلميـنـي
تموت و غيظك فيك كان أنت زعـلان=الصمت كنـز للرجـل يـا لحزينـي
حرب هل اللقوات كان أنـت غلطـان=خلـوا ابـوك يـفـارق اللذتيـنـي
عاداتهم حـرب المجـوخ اليـا بـان=وسهومهم ترمي الشـواة السمينـي
عينت أخو صلفـة تعشـاه سرحـان=حسايف يا شـوق مـوض الجبينـي
ما ينصفط للمـوت قـواد الأضعـان=فهـود الـزراج وللنشامـا خدينـي
ما حاضره عند الدبش كـود رعيـان=نومسـوا بـه والعـرب غايبيـنـي
فرخ القطامي ضفكـم تقـل سمقـان=لو لا الحكـم لـك يالطوالـة تبينـي
قوم الزغيبي قطعـوا بيـت غضبـان=وعقـاب مكسـور يجـر الونيـنـي
وهباس ابن هباس و خلـف وقبـلان=هجوا علـى مـد النظـر هاربينـي
هجيجكـم وصـل الجزيـرة وعمـان=واللي سكنوا في نجـد مستيسرينـي
يحكي بها جيل بالأصلاب مـا كـان=و تهجـا ورا اسطنبـول للدارسينـي
جدودنـا لجدودكـم قبـل عــدوان=وحنا علـى الـي مثلكـم كايدينـي
الخيـل لـزوا والبواريـد نيـشـان=و كان أنت جاهل انشـد الفاهمينـي
الكذب خيبـه ورد صدقـي لمشعـان=شهود الشريعـة عندنـا حاضرينـي
الادمي يخلـق علـى قلـب ولسـان=الـزول صـورة والعمـل بالثنينـي
أقصر جوابك يـا مضيـر خويـران=تمخض مخيض مار ما صار شينـي[/poem]



فصاحت النساء حتى يقولون انقطع الذرى(الحاجز بين الرجال والنساء)
ويرددن اذبحوه اذبحوه فقام بن طواله يريد ذبحة فقال الرجال اللي حطة في وجهه يمك والله ماتاصله وباقن منا رجال.
وهذا من السلوم المحموده عند القبايل..