رد الشاعر /محمدالعسيلي على قصيدة الشاعر /مساعد الجليدي الحربي

بسم الله الرحمن الرحيم
مساء الخير للجميع ...
اولا: اهنيكم بهذا المنتدى الجميل الذي ياخذ منكم جماله ورقيه يابناء عمومتي الافاضل

ثانيا : اقدم لكم هذه الدره من ابداع الشاعر/ محمد العسيلي
ردا على قصيدة الشاعر / مساعد الجليدي التي سأتي بها لاحقاً انشاء الله
لانه لم يكن لي متسع من الوقت واتمنى ان تكون مشاركتي حائزه على استحسانكم ..

7
7
7
7
7

إليا نام خال البال قمت وتوسلت
باللي يسوق من المراويح ثجاج

اللي عليه بنايباتي توكلت
رب تعلق به مطاليب الأفراج

ثم إستعنت بعون ربي وعجلت
رد الجواب اللي عباراته إزواج

بتحيةٍ لأخطيت فيها ولاملت
أزكا من العنبر بصندوق حواج

يابن الجليدي قلت وأفلحت وأجزلت
وأتعبت قصاص الأثر خلف دواج

وشرحت ماتخفي الضما ير وعللت
معجبك براقٍ سري يلعج إلعاج

يالسالمي من رؤس ربعي تسلسلت
نعمٍ إليا قالوا حنيني وبلاج

وأنتم هل البلها ورى كل ماقلت
الله لكم من ضربةٍ مالها علاج

مماتشوفه يامساعد تعايلت
حاديك ماتخفي الضما ير إليا هاج

أسال مجرب كم سهرت وتململت
من العشاء لين أول الصبح ينباج

بروابعٍ معهن سبحت وتوغلت
لهن من المهجة مصادير وكراج

وغيري وغيرك شالته واقعه شلت
ويلعي كما يلعي على الديد لهاج

دنياك لو ترقد تحت ثوبها الصلت
غبطك من عينه بها النوم مالاج

وإن باروا أصحاب الرخا وأنت مأحتلت
سد العيون اللي بهن غمز وغناج

وإليا عزمت فقل على الله توكلت
وعما يريب النفس تاسعك الأ فجاج

ساعة فرج تنسابها ماتحملت
من هم لو نومك من اليل سوهاج

والعشقة اللي أقفت عقب يمها أقبلت
عطها الثلاث اللي بهن ختم فلاج

وصون الحصون اللي بحجاها تظللت
لو كان ما تملك بها كود كرباج

ولوشفت من دنياك ميله وعزلت
الذيب ماعزل وهو ماله نعاج

طرد السبب محمود وانت وماحصلت
ورزقك يجي لو من ورى ساحل العاج

منقوله لكم من نفس الكاتب ولكن بإعتقادي ان هذا هو مكانها الصحيح
تحياتي لكم




خيـــــــــــــــــــ البلهاءــــــــــــــــــــــال
.