مشتاااق حيل ودي اشوفك

ياويل قلبي كل مااشتقت لقياه .............
....................وشلون ماتشتاق عيني لعينه

أنا أدري إني حيل أحبه وأهواه.............
...............وأنا أدري إن القلب صار بيدينه

أموت أنا به في غيابه وأحياه..............
...............وشلون أجل لو صافحتني يمينه

حاولت أنا اكتم عبرتي يوم فرقاه...........
..................وألملم جروح الزمان الطعينه

واعطيه من قلب المعنّى معاناه..............
...............وآخذ من جروحه ولو هي دفينه

وأضيع به في زحمة الناس وأنساه.........
..........وأنسى معه ذكرى السنين وحنينه

لقيت نفسي كل ما حل طرياه...............
..................عروق قلبي كلها تقول وينه

يامر على قلبي ولا شك ينهاه...............
.................كلي أنا تحت الإشارة رهينة

ما كل من يضحك سعيد بدنياه...............
..............وما كل من يبكي دموعه حزينه

أحدن بكى .. والكل يدري عن بكاه........
................وحدن مع الضحكه تحس بونينه

ياشين فرقى الحب وياشين بلواه..........
...............والمشكلة دنيا بلا حب .. شينه

والزين ما يكمل ولو كان ماحلاه ...........
........................إلا حبيبي ماتغيّر بزينه

ماجيت أسولف عن حلاه ومزاياه............
...........يكفي أحاسيسي وقلبي عارفينه

كن الفضا في غيبته ضاق مسعاه..........
................وكني غريقٍ ينتظر له سفينه

شف دنيتي ياصاحبي عقب فرقاه..........
..............مثل الظلام اللي حصل بالمدينة

باكتبه أنا في صفحة الشعر واقراه .....
.............وباذبحه بزود الغلا دون سكينة

وبارسمَه في لوحة الشعر وانعاه.........
................وبادفنَه بين الضلوع الحنينه

بوسط الحشا في داخل الصدر مثواه.....
..................إما يسار القلب وإلا يمينه

إحســـآس ,,

لقيت نفسي كل ما حل طرياه...............
..................عروق قلبي كلها تقول وينه

بيـــت بـــطل

صح لســـآنك البآرق الشمآلي ,,

صح لسانك البارق الشمالي

الله صح لسانك اخووي البااارق الشمالي تقبل مروري واحترامي لسعادتك تحيااتي للكل اخووك نوض باارق

سالم الجليدي
أبو نبيل
نوض بارق
شكراً لكم على مروركم العطر الذي به تنور صفحاتي
وتقبلوا تحياتي

نـــقـــل جمــيل جـــــــدا

أهنــيــكـ عـلى الاختــيــار

احســاسكـ مــرهــف جــدا

و ذوقكـ راقــي ،،

<<< صح لسانك

ننتظر من المزيد
تحياتي لك >>>