|
|
|
|
|
|
|
|
|
|
|
|
|
#1
06-03-2010, 01:21 AM
|
|||||||||||||||
|
|||||||||||||||
قصه مره حلووووووووووووه
القصة ... خطيرة
كان فيه سعودي و كويتي زملاء يدرسون في بريطانيا وبعد انتهاء فترة الدراسة قرروا يرجعون لأهلهم فقال الكويتي للسعودي: قبل ما تروح للسعودية تعال معي للكويت و بعدها رح للسعودية فوافق السعودي وهم في الطيارة رايحين للكويت دق أخو الكويتي من الكويت وقال لأخوه إن جدتي توفت . فقال الكويتي لأخوه أنا معي زميلي من السعودية وعازمه فلا تقولون له شي حتى ما يضيق صدره ولا أحرجه نصلي على الجنازة وكنها لأحد من جماعتنا . لما وصلوا صلوا على الجنازة وقعد السعودي له مدة في الكويت أعجب ببنت جيران الكويتي وقال لزميله إني ودي أتزوجها .؟ فرح الكويتي وقال أنا مستعد أخطبها لك و فعلا خطبها له وخبر السعودي اهله وسووا الزواج ورجع السعودي لديرته وبعد مدة طويله كبرت تجارة السعودي وطلع تاجر وغني والكويتي خسر كل أمواله وتجارته فقال مالي إلا أروح لصديقي السعودي اكيد بيساعدني وفعلا راح للسعودية وهو منتظر شوفة زميله بفارغ الصبر لما سأل عنه ووصل لبيته صار مو بيت صار ساكن في قصر وتاجر وكان الوقت متأخر فقال للبواب قل لراعي البيت إن زميلك من الكويت فلان بن فلان عند الباب وإنه محتاجك مرة مرة وإن حالته كذا وكذا و بعد ما رجع البواب عطى الكويتي شيء من عشى السعودي تخيلوا.؟ --------------- فضاق صدر الكويتي وقال هذا جزاء الصداقة المهم وهو راجع رجليه في الطريق! لقى رجالين (من رجال الأعمال) يتراهنون على مليون اللي بيجيهم الأول بيعطونه المليون وكان من حظ الكويتي إنه هو اللي جاهم الأول وأخذ المليون و تاجر بها في السعودية وقبل ما يرجع للكويت لقى عجوز معاها بنت وقالت له : العجوز أبي أخلي البنت عندك وأروح أحج إذا ما رجعت تزوجها وخلها عندك لما طولت العجوز عقب الحج اتزوجها وسوا حفلة الزواج بالكويت وفي اثناء الزواج كان من ضمن المدعوين زميله السعودي لما شافه الكويتي غضب وقال للحضور اطردوه هذا خاين العشرة والصداقة تخيلوا إنه لما جاء معي للكويت وكانت جدتي ميته ما علمته عشان ما يضيق صدره على وخطبت له بنت الجيران اللي كانت في الأساس خطيبتي وفضلته على نفسي ولما جيته محتاج عطاني فضلة عشاااااه --------------- تدرون وش قال السعودي....؟! ؟؟؟ قال اسمعوا واحكموا علي ...... أنا يوم جاني الكويتي وهو محتاج ما حبيت أشوفه على حالته هذي عقب ما كان تاجر وكبير أشوفه صغير ومحتاج وأتفضل عليه بشي من عندي عشان كذا عطيته فضلة عشاي وبالنسبة للتاجرين اللي متراهنين على مليون هذولي إخواني أنا مروحهم له عشان يفكون ضيقته أما بالنسبة للعجوز اللي معاها البنت فهاذي أمي والبنت هذي طبعا أختي وش رأيك ما أحضر زواج أختي ؟ 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
