قصة طريفة - شبيب وخويّه وذبيحة الضيوف !

السلام عليكم
صراحة هالسالفة عالقة بذهني لأن فيها معاني عن الكرم وسلطة القصيد
واعذروني اذا فيه خطأ مني في السالفة او الابيات لاني قريتها قديم والذاكرة تفوّت أحيان

*** هذا فيه واحدٍ راعي كرم المهم جوه ضيفان من برا وماكان عنده فلوس ,
راح لخوي له راعي حلال ينقال له شبيب - وماقصّر معه واعطاه ذبيحة للضيوف دين

يوم جا موعد الوفاء بالدين - ماكان عنده فلوس وانحرج من هالموقف - وشبيب معه حق يوم يطلب دينه -
وتمر الايام وشبيب كل شوي طالبه دينه - واحد المرات بعد صلاة العصر ماطلع خوينا من المسجد لانه شاف شبيب صلى معهم - قام وقعد باخر المسجد ينتظر شبيب يروّح !
لكن شبيب قام وراح يمه وقال له ودي بحقي - قال يابن الحلال هذا ماهو مكان طلابه لكن راح تتيسر واوفيك حقك

بعد الصلاة بشوي تناقل الناس بعض الابيات قالهن خوينا المديون ------------
وعلى طول يوم سمعها شبيب راح له وقال يافلان : ترى ذبيحة ضيوفك على الله ثم علي لكن فكنا من شرّك !
قال المديون : خير يابن الحلال - لكن ثلاث سمعوها الناس وباقي القصيد ماراح اسمعها لاحد !!

الابيات :
صليت بالمسجد وسبّحت تسعين ------------- مع كثرهن وأتبعتهن بتهليله
قريت عمّا والمدّثر وياسيـــــــن ------------- وزبنت ربِّ مايفاجا دخيله
وقريت وردي عن جميع الشياطين ----------- وشبيب ماسوى به الورد حيله

قصة رائعه أخوي الليث الأبيض

شكرآ لك على هذا الجهد الصخي

منك أتمنى أن تتحفنا بالمزيد ..

[align=center]قصه وقصيده رائعه

ونستفيد من القصه انك لاتدين شاعر ابد

مشكوووووور[/align]

مــشــكــور عـلى القصــة الـرائــعــة


هــالشــاعـر هـذا ذكـرنـي بالحطـيئـة لمـا سجـنـه عمـر بـن الخــطاب رضي اللـه عنـه ..

الله يعطيك العافية يالليث الأبيض على هذه القصة الطريفة

اخواني

عبدالاله الجليدي

هــــادي بن عامر

عصي الدمع

أبو نبيل

مشكورين على مروركم
واعجابكم ومنكم نستفيد