للـمبدع / لافـي بن حمود الغيداني الحربي

أسعد الله صباحكم بكل خير


رائعه من روائع شاعر أستمتع جداً بقراءة قصايده
لكل قصيده نكهه تنفرد بهاا / وها هي لديكم وأنتظر آرائكم


يامكثرين الهرج لااسمـع ولااجيـب
تريحوا من فضلكم واسمحـوا لـي

تريحـوا لاتلحـقـون المشاهـيـب
على الردى ماني شفـوق عجولـي

بالعقل والصبر ادب النفـس تاديـب
والا لهـا مـده تصـول وتجولـي

خلج ترازم فـي سيـاج المحاديـب
مافيهـن اللـي بالعقـال معقولـي

اشد وطية زور مـن شمـخ النيـب
اليا ضاع مفعو ل الحيل والحلولـي

انـا لاقلـت ارتـب القـول ترتيـب
حتى يجي كـي علـى فـك قولـي

اليا ارسلت لافكار القريحه مناديـب
ترايعن من عقـب ماهـن جفولـي

لكن مالـي مـن وراهـا مكاسيـب
لو كان عشاق القشر صفقـوا لـي

مامستفيـد الا العـدو والاجانـيـب
ولاني مطيـع مقرقعيـن الطبولـي

خليتهـا تعطـي فجـوج مجاديـب
ربا تجود فـي رسنهـا مهبولـي

والله لااجنب دام لـي درب تجنيـب
ن شرهة حشام الرفاقـه خجولـي

لو انهـا بيـن النحـر والتلابيـب
من الحيا وجهي مهـوب مغسولـي

طبـع لنـا نشـب عليـه ونشيـب
وطبيـعـةٍ لعلـهـا مـاتـزولـي

على الجماعـه للجماعـه مواجيـب
الا جهلـوا قـدر الرفيـق الهتولـي

ماني على ربعي قريـب محاضيـب
ادنـاة مايخلينـي اسـرج خيولـي

ان جات من طيب شقاها على الطيب
لو انها اعوج مـن رقبـة الذلولـي

وان جات من مسكين منطق واساليب
طيتهـا بيـن الثـرى والنعولـي

لاحركـت شعـره ولاطلعـت شيـب
ولاضيقت صـدري ولاطـق جولـي

وان كان في صبري على ميلهم عيب
العيب تفتيـش الصـرر والحثولـي

لاقمت تذكر فـي رفيقـك عذاريـب
وتبيـن عيوبـه لذولـي وذولــي

صبرك على ربعك عـلاج وتطابيـب
يقصـر حبـال السالفـه لاتطولـي

حتى مايلقا فـي طرفهـا مقاضيـب
كـراه خيـر وللمشاكـل ميـولـي

واليا بليت بتايـه شـره وصعيـب
يقول انا العـراف وانـت الجهولـي

قـل الله الله ياحصـان الاطالـيـب
يالفاهـم العالـم عطيـب الفعولـي

هذا الكلام اللي مافي صحتـه ريـب
لانيـب لاحولـك ولانتـاب حولـي

حصان وبن حصان طيـب مجاذيـب
وبالمعرفـه رجـل محلـي ودولـي

خله يروح يخطي الـدرب ويصيـب
يقول مابالنـاس عرضـي وطولـي

والفرق ماهـو باللحـى والاشانيـب
الفرق بين النـاس فـرق العقولـي

كم واحد تحسن به الظـن ويخيـب
السـن يضحـك والفـواد معلولـي

واللي غدت به كلمـة مالهـا غيـب
ماهو من اطيب ربعي اللي غود لـي

يالله عساها صيحة فـي قفـا ذيـب
وقلع النيـا بينـي وبينـه يحولـي

الرجل مايغصب على الطيب تغصيب
اليا صار ماهو دل ضمـن الدلولـي

ومن عادة اللي طيبه يحضر ويغيـب
لاطالـت الرفقـة زهـوق ملـولـي

واليا بلنـك غبـر الايـام بصحيـب
في مستوى طيبه صعـود ونزولـي

اعرف ترى الدنيا دروس وتجاريـب
والكامـل الله والنـقـا للرسـولـي

لاتصير مشـذاب يقـص العراقيـب
خلـه وراع الاولـه وش يقـولـي

اخذت حكمه مـن كـلام اللواعيـب
للطيـب نـاس وللعـذارى فحولـي





للـمبدع / لافـي بن حمود الغيداني الحربي

صــح لســانه ملـكـ الــوصـف في الشعـر الشعـبي ،،



ألـف شـكــر لكـ يــا ابـن الـعمـ عـلى نــقــل الـقـصيــدة ،،



لكـ كـل الـود و التقـدير ،،

بسم الله الرحمن الرحيم
السلام عليكم ورحمة الله وبركاته
[poem=font=",6,blue,normal,normal" bkcolor="silver" bkimage="http://jlede.com/vb/mwaextraedit2/backgrounds/8.gif" border="groove,4," type=0 line=0 align=center use=ex num="0,black""]
الرجل مايغصب على الطيب تغصيب=اليا صار ماهو دل ضمـن الدلولـي

ومن عادة اللي طيبه يحضر ويغيـب=لاطالـت الرفقـة زهـوق ملـولـي

واليا بلنـك غبـر الايـام بصحيـب=في مستوى طيبه صعـود ونزولـي

اعرف ترى الدنيا دروس وتجاريـب=والكامـل الله والنـقـا للرسـولـي

لاتصير مشـذاب يقـص العراقيـب=خلـه وراع الاولـه وش يقـولـي

اخذت حكمه مـن كـلام اللواعيـب=للطيـب نـاس وللعـذارى فحولي[/poem]
شكراً سلطان الغيداني على هذه القصيده الجميله المملؤه بالحكم وصح
لسان الشاعر الكبير لافي الغيداني.....

لايخفى علينا أن هذا الشاعر هو بنظر الجميع من دواهي الشعار بفن الوصف

والغزل والنصح فجميع قصائدة تنال على إعجاب الكثير من شعار كبار ومن جمهور

يعرف الشعر ويعشقة ولاننسى أن قبل فترة ليست بالطويلة أستحق جائزة الأمير

سلطان بن عبدالعزيز التي قيلت في سموة على قناة المرقاب مع كثير من الشعراء

والتي فاز بها لافي الغيداني الحربي يستاهل هذا الشاعر الكبير مبدع ويستحق الفوز

وكل الشكر لك سلطان على نقل هذه القصيدة التي يطرب لها السامع عندما يسمعها

كل الشكر لك ...

أشـــكــــركــــم جــمـــيـــعـــاً ولــــكـــــم تـــحــــيـــــآآآتــــي