|
|
|
|
|
|
|
|
|
|
|
|
|
#1
06-11-2010, 04:47 AM
|
||||||||||||||
|
||||||||||||||
يايمه
يايمه *** يا يُمه منتهي جيتك وطالب منك الغفران جيتك أقبل قاعة أقدامك وأغسلها بدمعاتي *** يا يُمه كل ما فيني يناديلك انا ندمان طلبتك قولي : سامحتك وردي لوجهي بسماتي *** أنا أعرفك قلبك الطيب كسرته بصدمة النكران غِلطت وغلطتي هذي تساوي كل غلطاتي *** تشوفي الشيب يا يُمه ترى ما جا وأنا فرحان ورب اللي رفع ذاتك ونزّل للردى ذاتي *** فقدت الراحه من بعدك , فقدت الطيبه والتحنان بدونك راحتي غايه وبدينك هذي راحاتي *** أنا بعدك ولا حاجه أنا بعدك ترى عميان أشوف , ولا أشوف اللي يوريني مسراتي *** أنا وسيد الشقا والهم بَعدك غدينا أخوان يجيب هموم هالعالم ويرميها بمتاهاتي *** صدقتي يوم قلتيلي : تدين اليوم بس باكر تندان رميتك في بداياتي ورموني في نهاياتي *** أنا اللي شالك بيده ورماكي بأسفل البركان نخيتيني وطلبتيني ولا حصلتي نخواتي *** مثل ما هنتي بعيوني عليهم قلبي يُمه هان رموني وضحكهم فزعه وأنا الدموع فزعاتي *** يا يُمه لا تظنيني إني من بينهم زعلاني سواةٍ فيك سوّيت وسووا فيني سواتي *** يا يُمه يلا ظميني ودفيني بالأحضان أنا أعرفك إنك مشتاقه وهمك بس ملاقاتي *** يا يُمه ظميني أبي أرتاح أنا تعبان تعِبت أهرب من ذنوبي أبيكي آخر مسافاتي *** أبي أسمع منك أي كلمه , لصوتك مسمعي ولهان أبي أسمع يُمه بصوتك أبي أذكر فيه نشواتي *** أشوفك ساكته يُمه , غفيتي ولا أنا غلطان غفيتي يا بَعد عمري , تعبتي من مواساتي *** يا يُمه , يا يُمه , يا يُمه *** طلبتك قومي إذا لي بعيونك شان أشوف الموت بعيونك يدفِن مِسراتي *** تعالوا يا بِشر شوفوا أنا مِحتار أنا تلفان أنا أمي مدري وِش فيها أنا مدري أنا أحاتي *** شنو , شنو , شنو *** أمي أنا ماتت , لا , لا , مسمعي غلطان أنا أمي ما تخليني على حزني ووناتي *** أنا أمي قلبها طيب أنا أمي لا يمكن تبكي إنسان أنا أمي ما تبكيني ولا تتمنى آهاتي *** يا يُمه صح ما متي وصح الموت تو ما حان يا يُمه لو متي أنا بعدك بأقضي وين ساعاتي *** يا يُمه قومي يا يُمه وقولي الموت لا ما كان أنا جيتك وأنا ناوي أبدّل فيك جنّاتي *** تركتيني ومُتي ليه ,ليه تركتيني وأنا غرقان ولا قلتي : مسموح يا وِلِدي , ولا قولتي : تلعنك لعناتي *** أنا الجاني أنا المخطي وأنا الندمان وأنا بإيدي رميتك , آهٍ , وأنا بإيدي بعثرت ملفاتي *** وجيت من الهنا مُفلس وقلبي من الزِمَن خسران تركتيني على ناري أعدد بعدك زلاتي *** ولاني مرضيٍ ربي ولاني تابع الشيطان أنا بَعدك ترى ما بين نهاياتي وبداياتي *** يا يُمه منتهي جيتيك وكلي مرتجي غفران وشفت الناس تلعني وتحذرني من الآتي *** وشفت الناس تلعني وتحذرني من الآتي منقول 
|
|
06-11-2010, 05:40 AM
|
#2 | |||||||||||
|
مشرف استراحة الاعضاء ســـابقــــــــــــــاً
|
روووووووووووووووووعة
ابدااااااااااااااااااااااااااااع ... شكراً عالنقل ... قصيدة مؤثرة ... من زمان وانا ادورها وتوني لقيتها هنا ، ثاااااااااااااااااااااااانكس ^ _ ^ .... لا عدمناك ... |
|||||||||||
 مآعآد لي خآطر اليؤم في شئ...! بس الوكآآآد أني بسجل خرؤؤؤجي .gif "(45)")
|
|
06-11-2010, 03:32 PM
|
#4 | ||||||||||
|
مشرف الحوار العام والشريعه الاسلاميه
|
<<< مشاري قمة في التميز والإبداع والطرح والأسلوب المنتدى بحاجهـ لكـ ولأمثالكـ ودي وتقديري لكـ >>> |
||||||||||
 
|
|
06-11-2010, 08:45 PM
|
#5 | ||||||||||
|
عضو مميز
|
طلبتك قومي إذا لي بعيونك شان
أشوف الموت بعيونك يدفِن مِسراتي ومهما حكينا ماوفينا ومن فينا يجزم أنه عطاها لو ذرة من حقها يارب يخلي والدينا و يرزقنا ببرهم الجنة تسلم أخوي على هالطرح .. |
||||||||||
|
ومو غريبه لو تمنيت الرحيل البقاء احــيان يعني البهذله في غيابك مالها الضيقه مثيل وربي اللي مايشاء يفعــله
|
|
06-12-2010, 12:16 PM
|
#6 | |||||||||
|
عضو مميز
|
قصيده في منتهى اروعه ولها قيمتها التي تضفي عليها جمالها
وكيف أنها في أعز أنسان على كل أنسان يعطيك العافيه أخو أبو حمود على هذا الطرح الرائع والله يقدرنا على بر والدينا وتقبل تحياتي |
|||||||||
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
