قصة وقصيدة نومان السريحي ومرض الجدري

[align=center][table1="width:95%;"][cell="filter:;"][align=center]قصة وقصيدة نومان السريحي البجيدي ومرض الجدري

نومان السريحي من البجايده من عنزه صابه مرض الجدري وأشرف على الموت ثم بري وكانت العرب تضع المجدور في صيرة من الحجر ويكثرون عنده من الحطب والماء والطعام ويعقلون عنده راحلته حتى عندما يطيب من المرض يلحق بقومه وقد أصيب السريحي بمرض الجدري ومن الله عليه بالشفاء وكان عند قبيلة السبعة وقال هذه القصيده يوصف حال الدنيا الزائلة وينصح أخيه فيقول :






[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يقول نومـان السريحـي مثايـل=يشـدن لنـوار الزهـر بــآذار




أن كان جن من غاية القلب ووكبن=سيـل تحـدر مـن ركيـة غـار




يا الله يا رحمن يا خالـق البشـر=يـا عالـمٍ بالغيـب يـا سـتـار




يا رب يا معبود يا مجـزل العطـا=تلطـف بعبـدٍ حايـر ومحـتـار




وخلاف ذا يا راكب فوق هوجـاء=ما لافتت خلـف الضعـن لحـوار




عوصى هميمة من هجاهيج ضمّر=عـن الهجـن مسيرهـا مشـوار




أن جن حفايا من بعيـد المناحـي=وشافوا لهم بيت سـوات الطـار




يلفن لقـرم ناقلـن هـم اهلهـن=عشيـر ضيفـه منـوة الخطـار




أول ما يبـدي لهـم زيـن النبـا=وفنجـال بـن مـروك ببـهـار




وبعده من ميسور بيته يحط لهـم=مـع التهلـي يبـدي الأعــذار




يا خوي أبي أوصيك احفظ وصاتي=خلـك لضيفـك خـادم وميـمـار




الضيف أول ما يجـي لـك ذمـي=وإلى مشى من حسبـت الشعّـار




ولا خير باللي ما يحشّـم ضيفـه=ولا خير باللـي مـا يعـز الجـار




والكل منهـم ضـارب لـه نيـه=ولا بد يسولف ما جرى وما صار




ولا تعاشر الهـلاق قليـل القـدا=أما يدمح بـك ولا تكسـب عـار




ولا ترافق المثبور ردي الشوفـه=بالوجـه مـراه وبالقفـا عقّـار




ولا ترافق البخيل قليـل الصخـى=ترى ما ينفع لـو زمانـك جـار




ولا تطلب الصخي والبخيل بجنبك=يطلب لحالـه وأنـت مالـك كـار




أن كان جـده دون جـدك خطـوه=حدك عنـه حـد الجمـل بهجـار




هبيـت يـا رجـل تقـر وتنكـر=لو تدعـي بالفهـم تـرك حمـار




لكن عدو الكـذب تـره المقابـل=كانـه حصـل بالصافتيـن أنكـار




يا قانص بالبـوم تـراك خاسـر=أقنص بحـر يـا تايـه الأبصـار




البوم بوم ويـورث البـوم مثلـه=والحـر حـر ويجذبـه أحــرار




يا شمعة الصبيان لا تأمن القـدر=ولا عامـر الا يقتفـيـه دمــار




لابد ما تجري الجواري على الفتى=ويصبـر لحكـم الوالـي الجبـار




دنياك مـا دامـت لحـي يمشـي=لـو هرفـت لـك حبلهـا جـرار




كم واحدٍ ضحكت لـه ثـم خانتـه=وعقب الطرب يشرب من الأمرار




باقت رجال قريش من عقب عزهم=وهدت بيوت العـز وهـي عمـار




وخانت بأبو ليلى المهلهل ربيعـه=الزيـر جتنـا عنهـم الأخـبـار




وباقت بأبو وطفاء ذياب أبن غانم=وحتى الزناتـي ناشتـه الأقـدار




وباقت بأبو زيد الهلالـي سلامـه=دنيـاك هـذي طبعهـا غــدار




وخانت باخو ميثاء عمير بن راشد=وعمر وزبـن الجاذيـات عـرار




وباقت بالفضـول يـاوي قبيلـه=حمول السبايـا مدلهيـن الجـار




ودنياك باقت بالسعـود مـن أول=ثم أقبلت تضحـك لهـم بصخـار




دنيا كفانا الله مـن شـر جورهـا=شفنا بها مـن الخيـر والأشـرار




كنت اعفا من شرد الصيد بالفـلا=واليوم صرت من المرض منهـار




أقفوا وخلونـي خـلاوي بصيـره=وحطوا هميد الرمث تقـل جـدار




جودي وزهابـي وثنـوا رحولـي=وأرجي الكريـم الواحـد القّهـار




والحمد لله يوم ربـي فـزع لـي=الكيـف طـاب وزالـت الأخطـار





وصلوا على خير البرايـا محمـد=اعداد مـا هلـت حقـوق أمطـار[/poem][/align][/cell][/table1][/align]

بسم الله الرحمن الرحيم
شـكــ وبارك الله فيك ـــرا لك ... لك مني أجمل تحية .
وفعلا هذه حال الناس في الزمن الماضي لعدم وجود الطب والعلاج

ياهلا ابو شادن

كل الشكر لك على المشاركه الرائعة