للشعر شعار

بسم الله الرحمن الرحيم
[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

للشعر شعار وللعلم معطي وطلاب =والرجل في قو عزمه يبلغ مراده
وانا ليا منه فتح عندي للشعر باب=بدعت البيت بكل هدو وركاده
بيتن بشعر متعلي روس الهضاب=معنى ومبنى عليه اخذ رياده
اجيب المفردات اللي ماتجاب=ياكود من شعار الحكم والسياده
احدا بشعر صيده كما صيدة ذياب=واحدا بالشعر صيده كما صيد الجراده
احدا على السنع ماشي واحد مجناب=لدرب الرذايل فكره ذله وقاده
ياتي ويذهب ولا لطيب لجيته جاب =وان راح مع مراحه الناس نشاده
ونا ليا جا مجال الفخر بالانساب =جدي اللي عدود الطيب ميراده
بسيفن حدب متعلي على راس مرقاب =يوم السيف يحكم ومشهر من ضماده
والصاحب اللي احسنت به ضني وخاب =وبين لي الوقت ما يضمر فواده
مقبول هرجه لو العوج خير ما جاب=مدام نفسه لنبع الردا مرتاده
مالي على اهل الردا شرهه ولا عتاب=اشره على اللي نفسه للطيب معتاده
ولاني لعراقيب الناس راس مذاب=لو فيه ناسن للعراقيب قداده
اقدر الصحبه واوفي حقوق الاصحاب=لون قلبي على الاخطاء توجاده
والرجل كما نجم وليل دونه سحاب =ومع مرور الوقت يتجلا سواده
والفشل عند الجارب يجي بعده صواب=وكلن من ثمر زرعه يجني حصاده

هذي قصيده ارستلها لاحد اخوياي بعد ما بان اللي داخله[/poem]

مدري اقول شكرا على نقل القصيده

ولا صح لسانك على كتابتك لها

في كلتا الحالتين ابدعت

تقبل مروري

الله يسلمك يا ابو عامر الحقيقه القصيده ماهي منقوله
القصيده من قصايدي ارسلتها لحد الزملاء بعد ما استغربت منه بعض الكلام وبعض الصفات اللي ما اعجبتني فيه

صح لسانك

وكفو لكل علم غانم

وشكراً لإيرادك هذه القصيده هنا

وننتظر كل جديد منك

صح السانك الشاعر علي على القصيدة الطيبه

ونـا لـيـا جــا مـجـال الفـخـر بالانـسـاب جـــدي الـلــي عـــدود الـطـيـب مــيــراده
بسيفن حـدب متعلـي علـى راس مرقـاب يوم السيـف يحكـم ومشهـر مـن ضمـاده


والله والنعم فيك وبأبوك وبجدك


وصح لسانك

وننتظر جديدك

صح لسانك علي على هذه الابيات الجميله

ولاهي غريبة منك بيض الله وجهك

اجتهدت فوفقت شكرآ لك ..

مالي على اهل الردا شرهه ولا عتاب ا شره على اللي نفسه للطيـب معتـاده
صح لسانك يابو هليل أنا أشهد أن الأبيات جزله وكل بيت يعزز الثاني الله يجعلك من الي قصايدهم لها قايده وتبين الطيب من الناس والردي والقصيدة واضحه ............ونعم با بوك وجدك وفيك .......وهل الرداء أهل ردى الله لا يجعلنا منهم ...........أمين