يا بـلال ماشـفّي عـمارات وكــنـوز=شفّي صحاصـيح الـفـيافي ولاجـراد

[poem=font=",6,,normal,normal" bkcolor="transparent" bkimage="http://jlede.com/vb/mwaextraedit2/backgrounds/40.gif" border="outset,4," type=2 line=0 align=center use=ex num="0,black""]
يا بـلال ماشـفّي عـمارات وكــنـوز=شفّي صحاصـيح الـفـيافي والاجـراد
مدهال خشف الريم بالخـبت والقوز=وعـرق الغضى قدم المغاتـير منقـاد
وقـتٍ مضا مابه سـفاري ولاكـروز=تـجـدل مع البـيـدا قـناطيـش الاذواد
لاوا وجودي وجـد مـن حـط عـكّوز=عـقـب المديد اللّي مع الشـيخ عـواد
لاقـيـل ســولـف ون ثـم قال هـاموز=راح الزمان اللّي بـه اعــنان وشـداد
لوشاف بعض الناس واشكال فيروز=عـاف الحياه وحـرّم الشرب والـزاد
هـذا وجودي واخـفي العـلم بـرمـوز=عـلى هـنـوفٍ دونـها سـيـف وعـناد
عـين اشقرٍ مشبوك باالضلع ابو لوز=والــعـود برديّـن عـلى شــط بـغـداد
مضفي دعاثـيره عـلى نهـد مركوز=شـقـرٍ مغذّيهن عـلى المسك والـكـاد
مهـيـوفة الخصرين والردف منـبوز=اومة بقلبي وانهزع حيل منغاد
قالو كـبرت وقـلت مـدله ولاجــوز=عـن جـادلـي لـوقـال عـاذل ونـقّـاد
لـه منـزلٍ بـيـن المعالـيـق محجـوز=وايـضا بصدري له بسـاتيـن وبـلاد
العــشـق ماهـوعـيـب يانافـخ الـبـوز=كـب الهذاري والعزاوي با الاجداد
واللّـي ذلـوله تـرثـع احـيان وتـنـوز=لازلّة الـشـيـمه لـها اهـجـار وقـيـاد
لو كان بهـروجـه دهــاويـر ولـغـوز=بــشّار مسـياره عـلى حسـين وانجاد
مـاقـل دل اوّصًـل الـعـلـم عـطـروز=مـن جـاب ودّالـه قـراشـيـع واعـتاد
[/poem]

التوقيع نديم الجود