و المجلس اللي يزعجكـ لا تــمـره ..

بــسـمـ الله الرحمـن الـرحيــمـ


الــســلامـ عـليــكمـ و رحمـة الله و بـركــاتــه



هــذه قصيـدة للـشــاعـر غــزاي بن نومــان الحـربي

لآضاق صدرك عالي الصوت جره
لو كان قلبك ما يطاوعك مسرور

دنياك لو تسوى من الحِزن ذرّه
ما كان تاليها توابيت وقبور

وما كان للكافر بعمره مسره
وما شفت في ملكه ملايين وقصور

العمر يمضي بين حلوه ومره
والموت حق وقابض الروح مأمور

دام الحياه الفانية مستقره
ورزقك يجيك وبين الأجواد مستور

لاتنشغل بالوقت برده وحره
واحذر تصير بقسمة الناس مقهور

حكم القدر لاجاك خيره وشره
أشكر عظيم الشان والذنب مغفور

والمجلس اللي يزعجك لا تمره
خله تراك بشوفته منت مجبور

والرجل سقها في صحاصيح بره
ومد النظر مابين ريضان وزهور

لا صار وجه القاع ما فيه جره
والمشي حافي والثرى توممطور

ساعات صمتٍ ما وراها مضره
تسوى الكلام اللي به إذنوب وإشرور

أطلق خيالك وأترك النفس حره
وخل الطبيعه في حياتك لها دور

وبالليل لا بانت نجوم المجّره
أذكر بديع الخلق بـِ إحـساس وشعور

واسجد لرب الكُون مره ومره
وإحفظ لسانك وأترك الكذب والزور

وفروض ربك خلها مستمره
وطاعتك لا يدخل بها نقص وقصور








و ســلامـــتــكمـ
أتمـنـى تـعـجبــكمـ القصيـدة ..

[align=center] وعــليــــــكـــمــ الســـــلامــ ورحمــــــة الله وبركــاتــهـ

صح لسان الشاعر وعجبتنا كثير كثير .

ويكفي أنه من ذوقـــكـ [/align].

تــسـلــم نـــواف ..


منـــور المـوضـوع بطـلتــكـ ..



لــكـ ودي ..

صح لسان الشاعر

وسلم لنا من نقلها

بسم الله الرحمن الرحيم
وعليكم السلام ورحمة الله وبركاته
صح لسان الـشــاعـر غــزاي بن نومــان الحـربي
الصراحه بيوت جزله وبنفس الوقت فيها حقايق
عن الدنيا تسلم على النقل...

مــثــنــى


ابــو طــالع


ســعــدت بتــواجــدكم و مروركــمـ الـغــالي ..




لكـم منـي أجمــل تــحــيــة ،،