®¶ ξζمُنتَدَيات َقِبيلة الجَلاِديهْـ ¶ ξζ ®

®¶ ξζمُنتَدَيات َقِبيلة الجَلاِديهْـ ¶ ξζ ® (http://jlede.com/vb/index.php)
-   قصائد واشعار (http://jlede.com/vb/forumdisplay.php?f=24)
-   -   لي عم عنده معـرضٍ للصواليـن (http://jlede.com/vb/showthread.php?t=3459)

سلطان الغيداني 12-24-2010 07:08 PM

لي عم عنده معـرضٍ للصواليـن
 
سبحان من يرزق بتوع الملاييـن*** الرازق اللي ما يخيب الرجـا بـه



لي عم عنده معـرضٍ للصواليـن ***أموت واعرف بس من وين جابـه


وإذا سألته قـال بعـت الدكاكيـن***ما يدري إني ما هضمت الإجابـة



الشاهد إني رحت له قبـل يوميـن***في قصره العامـر ودقيـت بابـه



قال أرحب أرحب عدّد ورد البساتين***يا مرحبا باللـي لفـا يـا هلا بـه



قلت البقا عـدّ النفـل والرياحيـن ***يا شيخ شمل أهل الكرم والذرابـه



قال اسلم الله يحفظك لي من العين***وآمر أوامر حضرتـك مستجابـة



قلت الصراحة طالبٍ قرب غاليـن*** ودي تزوجنـي كريمتـك يـابـه



ثنّى وقال أهليـن والله وسهليـن***والكون ترخص لجل عينك رقابـه



لكن ترا عندي شـروط وقوانيـن***قلت اشرط اشرط يا حبيب الغلابـة



قال أولاً مهر العروسـة ثمانيـن***غير الرسوم وغير حق العصابـة



والثانية عمك يبي منـك سبعيـن***رسم الأبـوّة والنسـب والقرابـة



وأم العروسة حقها منـك ستيـن***عشانها ست الحسـن والمهابـة



وإخوانها كلن يبي منـك خمسيـن***عداً ونقـداً تنـدرج فـي حسابـه



وخواتها الخمس عطهن من ثلاثين***عشان تتوثـق عـروق النسابـة



وتجيب طقم عيار واحد وعشرين***وخاتم من الماس المصفى ترابـه



وأكياس متروسة كعوب وفساتيـن***ألوانهـا وأشكالهـا مـا تشابـه



وموتر بسواقـه وفيـلا بدوريـن***أثاثهـا مـن بطرتـه ينحكـى بـه



واحجز لنا قاعة بقصر السلاطيـن***واحجز بهـا رقاصتيـن وربابـه



هذي الشروط اللي على بالي الحين***وذكرني اللي ما حسبنـا حسابـه



قلت اذكر الله يا عـدو المساكيـن***واستغفـره لا يبتلـيـك بعـذابـه



الظاهر إنك منت عارف أنا ميـن ***أنا لو أرقى فـوق متـن السحابـه



ما جبت حتى نص درزن مواعيـن***واضحك بكيفك واعتبرهـا دعابـة



شروطكم هذي شـروط المجانيـن***شروطكم شغـل ابتـزاز ونهابـه



شروطكم تقصم ظهـور البعاريـن***شروطكـم همّـن وغـم وكآبـه



شروطكم والله سيوف وسكاكيـن***تذبح بنات المجتمع مـع شبابـه



وين الرضا والعطف واليسر والليـن***اللي ذكرهـا الله بمحكـم كتابـه



وين الصفات اللي أمرنا بها الديـن **وين اختفى نهج النبي والصحابـة



يا عم جعل اللي خلقنا من الطيـن**يرد عقلك مـن خطـاه لصوابـه



ويجعل نصيبي عند غيرك قل آمين**ويحسن عزا الصابر ويجزل ثوابه



قال أنت لو فكرت تفكير صاحيـن***ما شفت في مجمل شروطي غرابه



حنا بعصـر العولمـة والمزاييـن *** ماهوب عصر الفلسفة والخطابـة



الناس تسعى للرتـب والنياشيـن***وأنت اهتمامك بالشعـر والكتابـة



والشعر ما ينفعك لو هو دواويـن***ما دام جيبك مثـل بيـت الخرابـة



يا بوك لا تسمع كلام المصاخيـن***واسأل مجرب عاش في وسط غابه



قلت الله أكبر يا محـرر فلسطيـن ***من يسمعك يحسبك ذيـب الذيابـه



تراك شايب رأس مالـك رياليـن ***والبنت ما تسوى جنـاح الذبابـة<<< وش ذنب البنت حرااامقال انقلع مالت على وجهك الشين****لا عاد أشوفـك عندنـا يالزلابـه



قلت ابشر أبشر لكن الباب من وين**وأقفيت من عنده على صوت بابـه

♥Sweet♥Heart♥ 12-24-2010 09:09 PM

مشــكــور يـا غــالي عـلى الأبيـات الجميلــة

و اللـه يعيـن شبــاب هــالأيــامـ ،،


اقتباس:

قال أنت لو فكرت تفكير صاحيـن***ما شفت في مجمل شروطي غرابه



حنا بعصـر العولمـة والمزاييـن *** ماهوب عصر الفلسفة والخطابـة



الناس تسعى للرتـب والنياشيـن***وأنت اهتمامك بالشعـر والكتابـة



والشعر ما ينفعك لو هو دواويـن***ما دام جيبك مثـل بيـت الخرابـة


كــلامـ دومــا نسمعــه للأســف ،،



لكـ كـل الــود ،،

ناحي الجليدي 12-24-2010 09:14 PM

صح السانك ياسلطان و لسان قايلها
ومشكور على هذه المشاركه الثمينه جدا
التي في الحقيقه انها تتكلم عن شي واقع فعلا
جهودك واضحه ياخوي سلطان وتشكر عليها كل الشكر
وتقبل تحياتي

سلطان الغيداني 12-24-2010 10:51 PM

مــــــــــشــــكوريــــــــــــــن لمرور كم ع موضوعي
والله يحفظكم

سلطان بن محمد 12-25-2010 12:32 AM

رغم ان من اشد المعجبين في كل من لديه موهبة في الشعر ومع كامل احترامي لك اخي الغيداني الا ان هالبيات مبالغ بها جدا جدا و مجتمعنا مجتمع واعي ومثقف .. وشكرا

مثنى 12-25-2010 02:33 AM

أهلا بك أخي سلطان وبمشاركاتك الرائعة

ننتظر جديدك ..

أحــترامـــــي ,,

سلطان الغيداني 12-25-2010 03:01 PM

أشكركم
ولكم تحياتي


الساعة الآن 06:32 AM.

جميع الحقوق محفوظة لدى منتديات قبيلة الجلاديه

This Site Uses The Product: 7elm V 2.6

تصميم وترقيهـ

هذا الموقع مدعوم من الجسمي للاستضافة والتصميم والدعم الفنى