يعجبني الفنجال مع فكة الريق

يعجبني الفنجال مـع فكـة الريـق
من دلة(ن) في جنبها بريق شاهـي

لاصرت في جو(ن) لعشبه زماليـق
نبته على ماتعشق النفـس زاهـي

روض(ن) به النوار وقت التشاريق
الطير يشـدي بـه بكـل اتجاهـي

قلب العنا تلقاه خالي مـن الضيـق
وعن مشكلات الوقت تلقـاه ساهـي

لاصرت في ربعك كثيـر التوافيـق
الكـل منهـم بالمواجييـب راهـي

في خوة(ن) فوق العهد والمواثيـق
ماهـي لـزوم المنفعـه والتباهـي

مافيهم اللـي للمراكـي عواشيـق
كبار النفـوس مثقليـن الجماهـي

احد(ن) غرامه بالـدلال المفاهيـق
واحد(ن) على طبخ المفاطيح لاهـي

وهذاك مشغول(ن) بحمس المعاليـق
برية(ن) مـن دون خـادم وطاهـي

وهذا يسولف بالشعـر والطواريـق
وهذاك نهجـه بالسوالـف فكاهـي

وان حل ذكر الله وقف كـل تعليـق
وخلوا دعابـات الجـدل والنواهـي

وصلوا على اللي طبق الشرع تطبيق
وصفوا على فرض العزيز الا إلاهي




منقووووووووووووووووووول
للشاعر غزاي الحربي